Тәуелсіздік акциясы аясында

Атырау қаласының тұрғыны С.Измайлова, Теміртау қаласының тұр­ғыны Қ.Жүнісұлы, Алматы облысы­ның тұрғыны Н.Жүнісов өз хатта­рын­да референдум өткізу жөніндегі жалпыұлттық бастаманы бірауыздан қолдайтындықтарын білдірген. Қазірде республика бойын­ша ел тәуелсіздігінің 20 жыл­ды­ғына орай «20 қайырым­ды­лық іс» акциясы өткізіліп жат­қаны белгілі. Жуырда аталған ак­ция аясында ядролық сынақ аймағына алыстағы Амери­ка­ның Солт-Лейк-Сити қала­сы­нан гуманитарлық көмек ретінде 250 мүгедектер арбасы, балдақтар мен аяқ арбалар (ходуноктар) жеткізілді. Осы бір игілікті шараға Ал­матыдағы «Ұлағатты отба­сы» қоғамдық қоры себепші болды. Бұларға Семейде тұратын өзі мүгедек, әрі әрең сөйлейтін Ни­кита деген жас жеткіншек өлеңмен өтініш жолдаған екен. Бұған әлгі тілегін компьютермен теру де оңайға түспепті. Соны естіп, бұлармен хабар­ласқан алматылықтар Семейде мұндай мүгедек жандар көп екендігін біледі. Бұл хабарды құлағы шалған «Исток» қоғам­дық бірлестігіндегілер де игі шарадан сырт қалмапты. Ал сондай қайырымдылық шарасын жеріне жеткізуді аме­ри­калық Джек пен Памела Шо­лар деген ерлі-зайыптылар да өз мойындарына алады. Бұ­лар 10 баласы, 23 немере-шө­бе­ресі бар үлкен әулет көрінеді. Алыстағы Америкадан жеткізілген әлгіндей үлкен сый­лық­тың жалпы құны 36 мың дол­ларды құрайды. Ол ядро­лық сынақ аймағындағы елді ме­кендер мен аудан, қалалар­дағы аурухана, жедел жәрдем, онкологиялық диспансер, қарт­тар мен мүгедектер үйіне қа­жетіне қарай он-жиырмадан бөлініпті. Солайша тәуелсіздік мерекесі қарсаңында мұндағы мүгедек жандар өздеріне көр­сетіліп жатқан қамқорлыққа дән риза болып жатыр. Дәулет СЕЙСЕНҰЛЫ, Семей.