Елордадағы өнер есебі

Жуырда Жамбыл облыстық қазақ драма театры ел Тәуелсіздігінің 25 жылдығына және өнер шаңыра­ғы­ның 80 жылдық мерейтойына орай шығармашылық елордада есеп берді. Театрдың гастрольдік қойы­лымдары Жас­тар театрында көр­сетілді. Қала қонақтары Жам­был театры қойған Қазақ хандығының құрылу тарихы баяндалатын Қ.Ыс­қақ пен Ш.Құсайыновтың «Қа­зақтар» тарихи драмасын ерекше ықыласпен тамашалады. Туған ел мен туған жерді қор­ғау идеясын насихаттап, жас ұр­паққа патриоттық тәрбие беру мақ­сатында сахналанған Ә.Фай­зуллаұлының «Алтын адам» аңыз-ертегісі астаналық жастар мен кішкентай бүлдіршіндердің көңі­лінен шықты. Әсіресе, аталмыш театрдың әй­гілі компо­зитор Ш.Қалдаяқовтың өмір жолының көпшілікке беймәлім тұстары мен тылсым сәттері сурет­телетін И.Сапарбайдың «Сыған серенадасы» музыкалық драмасын көрермен қауым ризашылықпен жылы қабылдап, жамбылдық әртістердің өнеріне тәнті болды. Көрермен көзайымына бөленіп, көпшілік көңі­лінен шыққан театр ұжымына Мә­дениет және спорт министрінің, сондай-ақ Астана Жастар театрының Алғыс хаттары табыс етілді.  «Егемен-ақпарат»