Алматыдағы Универсиада

FISU тарихындағы ең үздік ойындар болмақ Бұл күндері Алматыда әне-міне дегенше жетіп келетін Универсиадаға қарқынды құрылыс, қызу дайын­дықтар жұмысы жүріп жатыр. Алдағы айтулы оқиғаға орай Алматы қаласында Халықаралық студенттер спорты федера­циясы (FISU) делегациясының инспекторлық сапары өтті. FISU кеңесі 2017 жылғы қысқы Универсиада нысандарының дайындығын бақылап, қысқы ойындарды ұйымдастыру комитетінің департамент қызметкерлерімен жұмыс барысындағы кездесулер өткізді. 2017 жылғы қысқы Универ­сиаданы ұйымдастыру және өт­кізу жөніндегі дирекция директоры Әсет Әбдуәлиевтің айтуын­ша, жарысқа дайындық пен оны өт­кізу бойынша 800 үрдістен тұ­ратын функциялық жоспар әзір­ленген. Оның ішінде аккредиттеу, спорттық сервис, брендинг, ойын кейпі, еріктілерді дайындау, тасымалдау, медициналық қамту, тарату, тамақтану, жарияланымдар, ашылу және жабылу салтанаттарын өткізу және делегацияларға қыз­мет көрсету, тағысын-тағылар бар. – Осындай жағдайда FISU-дың халықаралық сарапшыларының көмегі аса қажет. Өйткені, Қазақ­стан­ды ең ірі спорттық шараны нәти­желі өткізу міндеті күтіп тұр. Уни­версиада – ұлттық жоба, ол 1000 жылдық тарихы бар Алма­тының атын әлемге танытып, ту­рис­тік әлеуетін арттырады, – дейді Әсет Әбдуәлиев. Алматыға бірінші рет келіп отырған FISU вице-прези­ден­ті әрі Бақылау кеңесінің төр­ағасы Мариан Дымальски сапар барысында Ұйымдастыру комитетімен маңызды кездесулер өткенін мәлімдей келе, Ұй­ым­дастыру комитетінің есебін тың­дап, басқосуларға көңілі толғанын ай­та келе, менің осы сапардан ал­ған бірінші әсерім өте жоғары деді. Сол сияқты Қысқы универсиа­далар FISU директоры Милан Ав­густин, ойындарға дайындық бел­гіленген уақыт бойынша жү­ріп жатқанын тілге тиек етті. Сон­­дай-ақ, Универсиадаға дай­ын­­­­дық кезінде алға қойылған мақ­саттардың барлығы үлкен нәтиже беру керектігін атап өтті. «2017 жылғы Универсиадаға қатысуға ниет білдірген 60-тан астам мемлекет жарыстың ұйым­дастыру комитетіне риза болады деген сенімдеміз. Қазақстан – әлем халқына тек бизнеспен емес, спорттық жетістіктерімен де жақсы таныс. Бұл елде Олимпиада жеңімпаздары мен жүлдегерлері жеткілікті. Менің ойымша, Қазақ­стан Универсиаданы өз деңгейінде, сәтті өткізеді. FISU тарихында  Ал­маты Универсиадасы ең сәтті әрі озық болады деп сенеміз», – деді Қысқы универсиадалар директоры Милан Августин. Бұдан бөлек, бұл күндері FISU өкілдері Универсиада нысан­да­ры­ның алаңдарын қарап көрді. Атап айтсақ, 12 мыңдық Мұз сарайы, 3 мыңдық Мұз аренасы және Атлетикалық қалашық. Сондай-ақ, жарыс өтетін – Балуан Шолақ атындағы спорт сарайы, «Cұңқар» халықаралық шаңғымен трамплиннен секіру кешені, «Медеу» мұз айдыны, «Шымбұлақ» тау шаңғысы курорты, «Алатау» шаң­ғы-биатлон стадионы және т.б. Трентинодағы 2013 жылғы қыс­қы Универсиаданың спорттық директоры Убальдо Прукер Алма­тыда өтетін Универсиаданың бар­­лық нысандары анықталған, құ­ры­лыс жүріп, жарықтандыру жа­ғы жақсартылып жатқандығына тоқ­талды. – Бұл – өте маңызды. Қазіргі таңда далада өтетін спорт түрле­ріне көңіл бөлу керек. Өйткені, бұл спорт түрлері ауа райына бағы­нышты, сонымен қатар, жарықтандыруды талап етеді. Уни­­версиададан кейін артынан мұра қалдыру және тәжірибе жи­нақтау мақсатында қолұшын беріп жатқан Қазақстан спорт қауым­дастықтарына алғысымды біл­діремін, – деді халықаралық ке­ңесші. Атлеттер қалашығындағы «Пи­рамида» ғимаратындағы аккредиттеу орталығы спортшылар мен ресми өкілдер үшін өте ыңғайлы болатынын FISU директоры Лоран Бриель де атап өтті. Қысқасы, Халықаралық сту­денттер спорты федерация­сы (FISU) делегациясының инс­пек­тор­лық сапарының өкілдерінің пікіріне қарағанда, Алматыдағы Универсиада FISU тарихындағы ең үздік ойындар болмақ. Айнаш ЕСАЛИ, «Егемен Қазақстан» АЛМАТЫ