Қорғаныс министрлігінде әдеп бойынша уәкілетті өкіл тағайындалды

АСТАНА. 20 мамыр. Қорғаныс министрлігінде мемлекеттік қызметкерлердің кодекс нормаларын сақтауын қадағалау үшін әдеп бойынша уәкілетті өкіл тағайындалды. Бұл туралы egemen.kz тілшісі хабарлады. Қорғаныс министрлігінде ведомство басшысының орынбасары генерал-майор Талғат Мұхтаров әдеп бойынша уәкілетті лауазымды өкіл болып тағайындалды. Сыбайлас жемқорлық – қазіргі қоғамның өзекті мәселелерінің бірі. Оны шешу мақсатында еліміздің Қорғаныс министрлігі нақты шараларды іске асыруда. Министрліктегі жаңа қызмет мемлекеттік қызметшініғ әскерилердің атына заты сай болу үшін жұмыс істеуге арналған. Бұл бағытта алғашқы қадамдар да жасалды. Өткен жылдың соңында Қорғаныс министрлігі, Бас прокуратура, Мемлекеттік қызмет істер және сыбайлас жемқорлыққа қарсы іс-қимыл агенттігі, Ұлттық қауіпсіздік комитеті мен Ішкі істер министрлігінің  басшылары сыбайлас жемқорлыққа қарсы іс-қимыл мәселесі бойынша меморандумға қол қойды. Дастан Кенжалин. Дерек, фото: Қорғаныс министрлігі.