Жер тағдыры – ел тағдыры. Тағдырымызбен қатар тарихымыз да жерде жатыр. Осы жерді қорғау үшін сыртқы жаумен алысып өткен, бүгінге мұраға қалдырған ата-баба бейіті жатыр. «Өмірге өмір жалғасып, анамыз жерге жармасып, бірде адам, бірде қайың боп, сүрейік өмір алмасып» деп Мұқағали айтқандай, тірі жанның тіршілігінің барлығы да жерге тәуелді. Жер мемлекетіміздің
басты стратегиялық нысаны болғандықтан, ел тәуелсіздігінің мазмұны да тікелей жерге қатысты. Сондықтан халқымыз үшін тіршілік пен жердің маңызы бірдей. Мемлекет басшысы Нұрсұлтан Назарбаевтың Жер кодексіне енгізілген кейбір өзгерістердің күшіне енуіне мораторий жариялауын ұтымды пайдалану үшін елімізде қабылданған заңды халыққа түсіндіру, ауылшаруашылық маңызы бар жерлерді сату мен шетелдіктерге жалға беру мәселесі қызу талқыланып жатыр.
Қостанай облысында Жер кодексіне енгізілген өзгерістерге байланысты халықтың көкейдегі сұрақтарын тыңдау және ұсыныстарына құлақ қою мақсатында облыс орталығында мамыр айының ортасынан бастап Call-орталық ұйымдастырылып, жұмыс істей бастады. Жер мәселесіне самарқау қарамайтын тұрғындар, шаруашылық басшылары, ауылшаруашылық тауарларын өндіріп жүрген кәсіпкерлер, жалпы, облыс тұрғындары жедел телефон желісіне күн сайын қоңырау шалып, өзінің көкейтесті сұрақтарын беріп, ұсыныстарын айтуда.
– Жедел телефон желісінде 8 адам кезекшілік етеді. Оның ішінде екі адам алаңсыз телефон құлағында отырады. Олар түскен сұрақтарды әлгі кезекші мамандарға жеткізеді, олар оған жауап береді. Бұл тұрғындардың жердің сатылуы мен жалға берілуіне қатысты мәселелерді анық, дұрыс түсінуіне мүмкіндік береді, – дейді облыстық жер қатынастары басқармасының басшысы Нұрлан Әбдуов.
Жұмыс істей бастағанына көп болмаса да, жедел телефон желісіне күні бойы көптеген адамдар хабарласады. Мамандардың айтуынша, тұрғындар тарапынан «Қазақстандық азаматтардың ауыл шаруашылығындағы жерлерді жалға алуы жалғасын таба ма?», «Мораторий жалғаса ма?» деген секілді сұрақтар жиі қайталанатын көрінеді. Ал шаруашылық басшылары, жермен тікелей жұмыс істеп отырған азаматтардың жерді сатып алу жөніндегі нақты ұсыныстары да жазып алынған. Сонымен қатар, Call-орталық телефондарына хабарласқан азаматтар тарапынан үй салатын жер мәселесі де жиі сөз болады. Мамандар тұрғындар қойған сұрақтардың барлығына тиісті жауаптар беріп отыр. Ең бастысы, телефон соққан әр тұрғын Жер кодексіне енгізілген өзгерістердің мән-мағынасы, оның жүзеге асырылуы туралы толыққанды түсінік алып жатыр.
Нәзира ЖӘРІМБЕТОВА,
«Егемен Қазақстан»
ҚОСТАНАЙ
Қостанай облысында Жер кодексіне енгізілген өзгерістерге байланысты халықтың көкейдегі сұрақтарын тыңдау және ұсыныстарына құлақ қою мақсатында облыс орталығында мамыр айының ортасынан бастап Call-орталық ұйымдастырылып, жұмыс істей бастады. Жер мәселесіне самарқау қарамайтын тұрғындар, шаруашылық басшылары, ауылшаруашылық тауарларын өндіріп жүрген кәсіпкерлер, жалпы, облыс тұрғындары жедел телефон желісіне күн сайын қоңырау шалып, өзінің көкейтесті сұрақтарын беріп, ұсыныстарын айтуда.
– Жедел телефон желісінде 8 адам кезекшілік етеді. Оның ішінде екі адам алаңсыз телефон құлағында отырады. Олар түскен сұрақтарды әлгі кезекші мамандарға жеткізеді, олар оған жауап береді. Бұл тұрғындардың жердің сатылуы мен жалға берілуіне қатысты мәселелерді анық, дұрыс түсінуіне мүмкіндік береді, – дейді облыстық жер қатынастары басқармасының басшысы Нұрлан Әбдуов.
Жұмыс істей бастағанына көп болмаса да, жедел телефон желісіне күні бойы көптеген адамдар хабарласады. Мамандардың айтуынша, тұрғындар тарапынан «Қазақстандық азаматтардың ауыл шаруашылығындағы жерлерді жалға алуы жалғасын таба ма?», «Мораторий жалғаса ма?» деген секілді сұрақтар жиі қайталанатын көрінеді. Ал шаруашылық басшылары, жермен тікелей жұмыс істеп отырған азаматтардың жерді сатып алу жөніндегі нақты ұсыныстары да жазып алынған. Сонымен қатар, Call-орталық телефондарына хабарласқан азаматтар тарапынан үй салатын жер мәселесі де жиі сөз болады. Мамандар тұрғындар қойған сұрақтардың барлығына тиісті жауаптар беріп отыр. Ең бастысы, телефон соққан әр тұрғын Жер кодексіне енгізілген өзгерістердің мән-мағынасы, оның жүзеге асырылуы туралы толыққанды түсінік алып жатыр.
Нәзира ЖӘРІМБЕТОВА,
«Егемен Қазақстан»
ҚОСТАНАЙ
