Ұрпақ ұмытпайды

Халық қаһарманы, армия генералы С.Нұрмағамбетовке ескерткіш орнатылды Ақмола облысында еліміздің тұңғыш Қорғаныс министрі, Кеңес Одағының Батыры, Халық қаһар­маны, армия генералы Сағадат Нұрмағамбетов мүсінінің салтанатты ашылу рәсімі өтті. Салтанатты жиында Сағадат ағаның қызы Айсұлу Нұр­мағам­бетова кейінгі ұрпақтың әке­сіне ескерт­кіш орнатып, құрмет көр­сет­­­­кеніне ризашылығын білдір­ді. – Біз әкеміздің құрметіне орай ол кісінің туып-өскен жерінде ескерткіш орнатылғанына алғыс білдіреміз. Биыл ол 92 жасқа толар еді. Әкеміз адамдарға ұдайы қамқорлық пен жомарттық танытатын. Ол жалынды патриот, өзінің ұстанымдарына берік, ғұмырын Отанға қызмет етуге сарп еткен адал кісі болатын, – деді Айсұлу Нұрмағамбетова. Одан кейін Қорғаныс минис­трінің бірінші орынбасары – Қарулы Күштер Бас штабының бас­тығы, генерал-полковник Сәкен Жасұзақов сөз сөйлеп, «Ха­лық қаһарманының» еліміздің тәуелсіздігі арайлап атқан жылы әскери ведомствоны басқарып, әскерилерге үлгі тұтар азамат болғанын атап өтті. «Аты аңызға айналған генералдың өмірлік жолы – бұл көптеген әскери қызметшілер үшін Отанға шексіз адал қызмет ету мен ерліктің жарқын үлгісі. Біз барлығымыз Қарулы Күштеріміз құрылған сол күрделі, қиын-қыстау кезеңді жақсы білеміз. Ол шынымен өзінің тағ­дырын әскери қызметпен бай­ланыстырған әрбір адам үшін үлгі болды», – деді ол. Ескерткіштің ашылу рәсіміне Қорғаныс министрлігінің басшы­лары, Қарулы Күштер Құрлық әскерлерінің бас қолбас­шы­лары, жергілікті әкімдік, әскери қызметшілер, «Жас ұлан» респуб­ликалық мектебінің тәрбиеле­нушілері мен Ұлы Отан соғысының ардагерлері қатысты. Дастан КЕНЖАЛИН, «Егемен Қазақстан» Ақмола облысы