Торғай тылсымы

Жапондық телекомпания қазақ жерінде осы құпияға ден қойды Жапонияның Fuji Television телекомпаниясы «Mystery All the world» «Әлемнің бар шалғайы­ның құпиялары» атты танымал бағдарламасы үшін Торғай геоглифтері туралы фильм түсір­ді. Күншығыс елінің белгілі телекомпаниясының өкілдерін Торғай даласына «Торғай шаршысын» алғаш байқаған, Turgay Discovery жобасының жетекшісі Дмитрий Дей өз экспедициясы құрамында алып барды. «Торғай даласындағы археоло­гиялық құбылысқа жапон телеви­зиясының қызығушылығы арқа­сында Қазақстанның тарихи ескерт­кіштері мен мәдениетін халық­аралық медиа кеңістікте наси­хаттау мен кеңінен тарату үшін екі күндік сапарымызды ұйымдастырып, жүзеге асырудың сәті түсті. Экспедиция құрамында жапон телекомпаниясының телеоператоры әрі репортері Какинума Сан, Turgay Discovery жобасының жетекшісі өзім, жобаның зерттеу­шісі Сергей Козин бар», – деп жазды Дмитрий Дей әлеуметтік желідегі парақшасында. Жапонияның Fuji Television телекомпаниясы түсірген қазақ­стандық геоглифтер туралы материал «Mystery All the world» бағдарламасында 2016 жылдың маусым айында көрсетіледі. Топырақ үйінділерінен тұ­ра­тын геометриялық бедерлер жоғарыдан түсіргенде ғана анық көрінеді. Бүгінде Қостанай облысының оңтүстігіндегі Торғай даласынан крест, свастика, шеңбер үлгісіндегі жүздеген геоглифтер табылып отыр. Бір қызығы, олардың барлығы да бір-бірінен алыс емес, бір аумақта – Торғай иінінде жатыр. Қазақстандық және шетелдік азуын айға біле­ген ғалымдардың барлығы да Торғайдан табылған геоглифтерді ежелгі мәдениетпен байланыстырады және оларды Мысыр пирамидалары, Оңтүстік және Ор­талық Америкадағы мінәжат нысандары мен британиялық Стоун­хендж секілді әлемдік брендтер қатарына жатқызады. Дмитрий Дейдің пікірінше, қазақ­стандық геоглифтерге әзір­ше шетелдік ғалымдар көбірек қызығушылық танытып отыр. Америкалық НАСА ғарыш агент­тігі Торғай геоглифтерін көбейтіп таратты. «Қазғарыш» мұнан кейін қайта түсірді. Түркияда 2014 жы­лы өткен Еуропа археологтары қауым­дастығының форумында Торғайда табылған бұл олжалар сенсация ретінде бағаланды. Нәзира ЖӘРІМБЕТОВА, «Егемен Қазақстан» Қостанай облысы