27 Мамыр, 2016

Тілек білдірушілер көп

431 рет
көрсетілді
3 мин
оқу үшін
жер егемен1Бүгінде қаладағы жер қаты­настары бөлімі соңғы айларда күн-түн демей, тіпті, демалыссыз жұмыс істеуге көшіпті. Биыл­дың өзін­де қала тұрғындарының жер алуға деген кезегі екі есеге ұл­ғайған. Бұның сырын ешкім түсіндіре алар емес, дегенмен жер халықтікі және оның иесі табылуы үлкен жетістік. Қала әкімінің орынбасары Қайрат Ерембесов­тің айтуынша, кезекке тұрған 10 000 семейлік жер алуға ниет білдіріпті. Соңғы төрт айда Семейде жер алу­ға 5 мың өтініш түскен. – 2003 жылдан бастап Жер кодексіндегі бап бойынша, Қазақ­станның барлық азаматтарына жеке құрылыс нысанын салуға 10 сотық жер тегін беріледі, – де­­­ді Қайрат Ерембесов, – бірақ, проб­леманың бәрі осыдан келіп шығады. Жеке үйлер, шағын ау­дан­дар салынғанмен, ол жерлер­де не ауыз су, жарық, яғни инф­ра­­­­­­құ­рылым болмағандықтан, бұл күндері халық тұрмыстық-әлеу­мет­тік тауқыметке кездесіп отыр. Сон­дықтан да 2007 жылы қаланың шетіндегі су құбыры мен электр энергиясы жоқ тұстарынан жер алуға мораторий жарияланды. Де­сек те, алдағы уақытта бұрынғы ол­қылықтарды қайталамас үшін қала шетіндегі төрт жаңа ауданда инженерлік жүйенің құрылыс жұмыстары басталып кетті. – Семейдің 2011 жылы бекі­тіл­ген бас жоспары бойынша, жеке­меншік үй салуға 4 жаңа шағын аудан белгіленген. Бұл Компоселек, Ақсай, Ұшақтар және Суық бұ­лақ, – деді Семейдің сәулет және құ­­­­­ры­лыс бөлімінің жетекшісі Қалдыбек Қоқиланов. – Алдын ала есептеулерімізге қарағанда, бұл шағын аудандарда 4 мың жа­ңа жер телімдері беріледі халық игі­­­лігіне. Біз шұғыл түрде осы және қосымша қордағы шағын аудандарда жүргізілетін инженерлік инфрақұрылымдардың жобалау-сметалық құжаттарын дайындайтын боламыз. Қосымша Жарқын шағын ауданы мен Аққайың шағын ауданының арасы, нақты айтқанда, Аққайың мен Птичниктің арасында алдағы уақытта жер беру мәселесі қарастырылады. Қарағайлы шағын ауданындағы қазірде қызу түрде құрылысы жанданып жатқан ин­женерлік инфрақұрылымның аяқ­талуына облыстық бюджеттен 2,5 млрд. теңге 2016 жылы бөлінді. – Осы жұмыстар аяқталғаннан кейін ғана қала әкімдігі кезекте тұрғандарға жер телімдерін алу­ға рұхсат құжат береді, – деді Қай­рат Ерембесов, – бірақ, бұл 2017 жыл­дың еншісіндегі шаруалар. Жер мәселесі бойынша қала­лық жер қатынастары бөлімінің бас­шы­сы Сүлеймен Медеуов былай деді: – Бұл күндері Қазақстанда 10 сот­тық жер беру мәселесі қара­лып жатыр. Семейге келетін бол­сақ, қала бойынша 10 мың адам ша­масындағы тұрғын тізімге алын­ған. Барлық тіркеуге алынған өтініштер арнайы құрылған ко­мис­­­­сия­ның қарауынан өтеді. Содан кейін ғана нақты шешім шы­ғарылады. Бірақ, үйлерін салуын салып алып, сусыз, жарықсыз отыру бұл да күрделі мәселе. Сон­дықтан да берілетін жерлерге алдымен құбырлар, электр желі­лері тартылып, содан кейін ғана халық игілігіне беріледі. Раушан НҰҒМАНБЕКОВА СЕМЕЙ