Құрбан Бердыев «Спартактың» бас жаттықтырушысы болды

АСТАНА. 30 мамыр. Бүгін белгілі футбол маманы Құрбан Бердыев Мәскеудің «Спартак» клубына бас жаттықтырушы болып тағайындалды. Бұл туралы egemen.kz тілшісі хабарлады. Бердыев былтырдан бері Дондағы Ростов қаласының Ресей премьер-лигасында ойнайтын «Ростов» клубын жаттықтырып келген болатын. Енді «Спартактың» бас бапкері Дмитрий Аленичевті алмастырып отыр. Құрбан Бердыев «Ростов» командасын 2014 жылдан бері жаттықтырып, биылғы маусымда Ресей чемпионатының күміс медалін жеңіп алған. Осының арқасында клуб алғаш рет Чемпиондар лигасында өнер көрсетуге мүмкіндік алды. Оның есімі қазақ футболымен де тығыз байланысты. Ол 1981-1985 жылдары және 1993 жылы Алматының «Қайрат» клубында ойнаса, 1986-1989 жылдары Тараздың «Химик», 1991-1993, 1994-1995 жылдары «Қайратты», 1996-1997 жылдары Ақтаудың «Мұнайшы» командасын жаттықтырған. Дастан Кенжалин. Дерек, фото: sportbox.ru