Петропавлда қоғамдық көлік қаққан жүргінші қаза тапты

ПЕТРОПАВЛ. 31 мамыр. Облыс орталығында қоғамдық автобус жүргізушісі 22 жастағы қала тұрғынын қағып кетіп, жүргінші оқиға орынында қаза тапты. Бұл туралы Солтүстік Қазақстан облыстық ішкі істер департаментінің баспасөз қызметіне сілтеме жасаған egemen.kz тілшісі хабарлады. Оқиға Петропавл көшелерінің бірінде орын алды. Қазіргі уақытта аталған дерек бойынша сот алды медициналық – сарапатамалық жұмыстар жүргізілуде. «Жол - көлік оқиғасы кезінде жүкті жас келіншек қаза тапты. Ауыр жарақат салдарынан есін жия алмаған күйі сол жерде қайтыс болды», – дейді полиция қызметкерлері. Айта кетейік, 59 жастағы автобус жүргізушісі бірнеше жыл бойы 20-шы бағыттағы қоғамдық көлікті басқарып келген. Өмір Есқали. Дерек: Солтүстік Қазақстан облыстық ішкі істер департаментінің баспасөз қызметі. Фото: ustinka.kz.