Атырауда басқарма басшысы тағайындалды

АТЫРАУ. 31 мамыр. Атырау облысының әкімі Нұрлан Ноғаевтың өкімімен облыстық табиғи ресурстар және табиғат пайдалануды реттеу басқармасының басшысы тағайындалды. Бұл туралы egemen.kz тілшісі хабарлады. Аталған басқарманың басшысы болып Қадыржан Арыстанов тағайындалды. Ол 1958 жылы туған, білімі жоғары. 1979 жылы Гурьев педагогикалық институтын, 1988 жылы Алматы ауыл шаруашылық институтын бітірген. Еңбек жолын орта мектепте физика пәнінің мұғалімі болып бастаған. Кейін комсомол ұйымында, кеңшарда жұмыс істеген. Еліміз тәуелсіздігін алған тұста шағын кәсіпкерлікте бағын сынаған. Әр жылдары «Жазира» шағын мемлекеттік кәсіпорны директорының орынбасары, «Теңіз» серіктестігі директорының орынбасары, «Абка», «Антако» мекмелерінің директоры болған. 2001-2007 жылдары Атырау облыстық ауыл шаруашылығы басқармасының бастығы, ауыл және балық шаруашылығы департаментінің директоры болып қызмет етті. 2007-2008 жылдары «Орда-Агро-Инвест» жауапкершілігі шектеулі серіктестігіне басшылық еткен. 2008-2011 жылдары Парламенті Сенаты аппаратының аграрлық мәселелер және қоршаған ортаны қорғау комитетімен байланыс жөніндегі бөлімнің бас консультантының міндетін атқарушы, осы бөлімнің бас консультанты, содан соң, табиғат пайдалану және ауылдық аумақтарды дамыту жөніндегі комитетпен байланыс жөніндегі бөлімнің бас консультанты, аграрлық мәселелер табиғат пайдалану және ауылдық аумақтарды дамыту жөніндегі комитетпен байланыс жөніндегі бөлімнің бас консультанты қызметтерін атқарған. Жолдасбек Шөпеғұл. Дерек, фото: Атырау облысы әкімінің баспасөз қызметі.