Ақтөбедегі алып домбыра

қаланың сәнін келтіріп тұр Қалада қазір көптеген жаңа ескерткіштер бой түзеуде. Алайда, ол музыкалық аспапқа алғаш рет орнатылып отыр. Мұндай ескерткіш бұдан бір жыл бұрын орнатылуы керек екен. Бірақ оны металдан жасайтын шебер жуық арада табыла қоймаған. Табылғаннан кейін біршама уақыт келіссөздер жүргізілген. Ұста Қуатбек Ес­жанов көпке дейін бұған келісімін бермеген. Шебер қолым­нан келе ме, келмей ме деп біраз толқыған сыңайлы. Көңіліне сенімділік орнап, тәуекелге бел буған шебер үш айда осы әсем ескерткішті жасап шығарды. Темірден құйылған домбыра ескерткіші Ақтөбе қаласының 147 жыл­дығы қарсаңында ашылды. Темірден түйін түйген шебер оның бірнеше нұсқасын жасаған. Түптеп келгенде, соңғы нұсқасы қабылданыпты. Ескерткіштің биіктігі – 6,30 метр, ені – 1,40 метр, шанағы – 2,5 метр, ал мойны 4 метр шамасында. Домбыра ескерткіші 12 перне, қос ішекті болып келеді. Домбыраның үкісіне дейін ұмыт қалмаған. Ескерткіш авторы Қуатбек Есжановтың айтуынша, музы­калық аспаптың барлық заң­дылықтары сақталған. Осын­дай ескерткіштер арқылы жас­тардың жүрегіне ұлттық құн­дылықтарымызды қастерлеу қа­сиеттері сіңірілетіні де сөзсіз. Сатыбалды СӘУІРБАЙ, «Егемен Қазақстан» Ақтөбе облысы