Қарағанды облысының бұрынғы әкімі түрмеден босап шықты

  ҚАРАҒАНДЫ. 6 маусым. Қарағанды облысының бұрынғы әкімі Бауыржан Әбдішев мерзімінен бұрын түрмеден босап шықты. Бұл туралы egemen.kz тілшісі хабарлады. Бауыржан Әбдішев экономикалық қылмыстар жасалды деген айыппен бес жылға бас бостандығынан айырылған болатын. Оған «Заңды кәсіпкерлік қызметке кедергі келтірген», «лауазымдық өкілеттігін асыра пайдаланған» және «кәсіпкерлік қызметке заңсыз араласқан» деген айыптар тағылған еді. Алайда, облыстық соттың аппеляциялық алқасы бұл үкімді жұмсартып, жаза мерзімін үш жылға дейін қысқартты. Сотталушы түзеу мекемесінде 1 жыл 7 ай 25 күн отырып шықты. Түрмеде ол сотталушыларға арналған концерттерді ұйымдастыруға ат салысыпты. Сонымен қатар, әлеуметтік-экономикалық сабақтар бойынша оқу үдерісіне қатысып, сотталушылардың білім алуына көмектескен. Бауыржан Әбдішевтің өтелмеген мерзімі – 1 жыл 3 ай 5 күн. Қайрат Әбілдинов. Дерек: egemen.kz. Фото: qazaquni.kz.