Ақтөбедегі террорлық акт айыпталды

Кеше Қасым-Жомарт Тоқаевтың төрағалығымен өткен Парламенттің жоғарғы палатасы бюросының отырысында Сенат Төрағасы палата депутаттарының атынан Ақтөбедегі террорлық актінің салдарынан қаза болғандардың отбасыларына көңіл айтып, зардап шеккендерге тілектестік білдірді. Сенаторлар содырлардың ар­сыз­дығы мен қатыгездігіне наразы­лықтарын жеткізіп, мемлеке­ті­міздің ішкі саяси тұрақтылығын шайқалтуды көздеген террорлық актілерге жол бермеу қажеттігі туралы мәлімдеді. Парламентшілер Президент Н.Назарбаевтың басшылығымен тарихи тұрғыдан алғанда қыс­қа мерзім ішінде Қазақстан әлеу­меттік-экономикалық және демо­кратиялық даму жолында барша халықаралық қоғамдастық мойындаған жетістіктерге қол жеткізіп, әлемдік аренада беделді мемлекетке айналғанын атап өтті. Бұл еліміздегі көпұлтты халықтың мызғымас бірлігінің арқасында мүм­кін болды. Қасиетті Рамазан айы­ның қарсаңында болған арсыз қылмысты дінмен байланыс­тырмау керек, бұл, шын мәнін­де, біздің азаматтарымыздың тыныш­тығы мен мамыражай өміріне қарсы бағытталған арам ниетті қа­рақшылықтың көрінісі. Сенатор­лар конституциялық тәртіпке және Қазақстан қоғамындағы бейбітшілік пен келісімге ешкімнің қол сұғуға қақысы жоқ деп санайды және құқық қорғау органдарының қарақшылардың көзін жойып, оларды жауапқа тарту жөніндегі әрекеттерін қолдайды, деп хабарлады Парламент Сенатының баспасөз қызметі.