Терактіден қаза тапқандардың отбасына 5 млн. теңгеден беріледі

Ақтөбе облысының әкімі Бердібек Сапарбаев террорлық акті кезінде қаза тапқан азаматтардың отбасыларына берілетін материалдық көмектің көлемін арттыру жөнінде шешім қабылдады. Оларға 5 миллион теңгеден берілетін болады. Қазақстан Президенті Нұрсұлтан Назарбаевтың тапсырмасына сәйкес, 5 маусым күні Ақтөбедегі террорлық акт кезінде лаңкестер қолынан қаза тапқандар мен зардап шеккендерге аймақ басшысы Бердібек Сапарбаев 5 млн. теңгеден ақша беру жөнінде шешім қабылдады. Айта кетейік, теракт салдарынан 7 әскери қызметкер мен азаматтық тұлғалар қаза тапқан болатын. Осыған орай Мемлекет басшысы 9 маусым Қазақстанда жалпыұлттық аза тұту күні деп жариялады. Бүгін республика көлемінде тулар төмен түсіріліп, мәдени-көпшілік және спорттық шаралар кейінге шегеріледі. Сонымен қатар, телеарналар мен радиоларда берілетін ойын-сауық бағдарламалары тоқтатылады. Талғат Райымбек. Дерек: Ақтөбе облысы әкімдігінің баспасөз қызметі. Фото: kapital.kz.