Мемлекет басшысы Нұрсұлтан Назарбаев Ақтөбе қаласында жасалған террорлық актінің салдарынан адамдардың құрбан болуына байланысты ел бойынша 9 маусымды ұлттық аза тұту күні ретінде жариялады, деп хабарлады Ұлттық ұланның баспасөз қызметі.
Қанішер қаскөйлердің Ақтөбе қаласында жасаған шабуылы кезінде оларға ерлікпен тойтарыс беру кезінде Ұлттық қауіпсіздік комитетінің әскери қарсы барлау қызметінің әскери қызметшісі майор Даниал Майлыбаев, Ұлттық ұланның Ақтөбе қаласындағы 6655 әскери бөлімінің келісімшарт қызметінің сержанты Берікжан Қалиев және мерзімді әскери қызметтегі қатардағы жауынгер Досбол Сапар қазаға ұшырады.
Осыған орай кеше Ұлттық ұлан Бас қолбасшылығында боздақтарды аза тұту шарасы өтті. Қаралы жиынға Ұлттық ұлан Бас қолбасшылығының жеке құрамы, ІІМ және Ұлттық ұлан ардагерлер кеңесінің төрағасы милиция генерал-майоры Өмірзақ Болсамбеков, әскердің ардагерлер қауымы және Ұлттық қауіпсіздік комитетінің қызметкерлері қатысты. Жиналған қауым қаруластарын бір минут үнсіздікпен еске алды.
Ұлттық ұлан Бас қолбасшылығы атынан сөз алған Ұлттық ұлан бас қолбасшысының орынбасары генерал-майор Альберт Маткаримов: «Мен анттарына адал болып, Отан үшін, ел үшін ажал құшқан бауырларымыздың отбасы, туған-туыстарына қайғыларына ортақтасып көңіл айтамын. Біздің, Ұлттық ұланның тарапынан алдағы уақыттары қара жамылған отбасыларға қажетті көмектің барлығы да көрсетіліп, ұдайы қамқорлыққа алынатын болады», – деді.
Соңғы жаңалықтар
«Кәсібінің үздігі» конкурсының жеңімпаздары марапатталды
Медицина • Бүгін, 20:25
Президент тапсырмасы: жас ғалымдарға пәтер сертификаттары табысталды
Қоғам • Бүгін, 19:35
Елорданың «Байқоңыр» ауданында ауқымды мұз айдыны ашылды
Елорда • Бүгін, 19:30
Президент Сердар Бердімұхамедовке құттықтау жеделхатын жолдады
Президент • Бүгін, 19:18
Байсерке ауылында көпсалалы аурухана салынады
Аймақтар • Бүгін, 17:45
Алматыда «Муфаса. Арыстан патша» анимациялық фильмінің тұсаукесері өтеді
Кино • Бүгін, 17:30
