Бір минут үнсіздік жарияланды

Кешегі күн Қазақстанда Ақтөбе қаласында болған террор­лық актінің салдарынан құрбан бол­ғандарға арнап ұлттық қаралы күн болып жарияланды. Елбасы – Қазақстан Республикасы Қа­ру­лы Күштерінің Жоғарғы Бас қол­бас­шысы Нұрсұлтан Назарбаев Ақтөбедегі лаңкестіктен қаза бол­ғандар үшін ұлттық қаралы күн жа­риялады. Кеше таңсәріден Қорғаныс ми­нистрлігі Орталық аппаратының ғимаратында Көк ту төмен түсі­рілді. Қорғаныс министрі Иман­ғали Тасмағамбетов бастаған елі­міз Қарулы Күштеріндегі әскери қызметшілердің жұмыс күні бейбіт адамдардың, Ұлттық ұлан мен Ұлт­тық қауіпсіздік комитетінен қаза болған қызметкерлердің құр­метіне бір минут үнсіз тұрумен бас­талды. Одан басқа, Қорғаныс министр­лігінің барлық бөлімшелері мен Қазақстан Республикасы Қарулы Күштерінің әскери бөлімдерінде мерт болғандардың құрметіне бір минут үнсіздік жарияланды. Сондай-ақ, Қорғаныс министрі Иманғали Тасмағамбетов қаза болғандардың отбасыларының қайғыларына ортақтасып, көңіл айту жеделхаттарын жолдады. «Егемен-ақпарат»