Ет ішінде... дәрі бар

«Қауіпті ет өнім­дерін өндіруші  шығыс­қазақстандық жеке кә­сіпкер Әділбек Е. етті «Ақжол» дүке­ні­не жет­кізген, оңтүс­тік­қа­зақ­стан­дық жеке кәсіпкер Ғазибаев Н. етті «Реалист» супер­мар­кетіне жеткіз­ген, а­лматылық «Кром Экспо-А» ЖШС құра­­мын­да дәрі­лік қоспалары бар Канада етін «Ақжол» дүкеніне жеткізгендігі анық­талды. Қауіпті ет бүкіл сауда желісінен алынып тасталды және толықтай жойылды. Қазір өндіру және сақтау орындарында жоспардан тыс тексеру жұмыстары жүргізілуде» делінген  Тұтынушылардың құ­қықтарын қорғау коми­тетінің хабарламасында. Ауыл шаруашы­лы­ғында малдың түрлі ауруларын емдеу үшін қолданылатын тетрациклин дәрісі – антибиотиктер тобына кіретін дәрілік зат. Құрамында тетрациклин қалдықтары бар өнімдерді тұтыну адамның ішек микрофлорасына кері әсерін тигізіп, зең ауруларына шалдығу, аллергиялық реакцияның пайда болуы, ағзаның ауруларға қарсыласуын төмендету, пато­гендік микроорганизмдердің жоғарылауы секілді қауіп-қатер тәуекелін арттырады. Аталмыш препараттың әсерлілігіне сезім­талдықты төмендетіп, алдағы уақыт­та мұнымен емдеу науқас жан үшін мүлдем тиімсіз болып қалуы мүмкін деп түсіндіруде маман­дар. Қанат ЕСКЕНДІР, «Егемен Қазақстан» АЛМАТЫ