Rolls-royce компаниясы

2040 жылы шығатын көліктерді таныстырды Британиялық Rolls-Royce Motor Cars компаниясы Лондон қаласында 103EX үлгісіндегі көлікті таныстырды. Бұл – Vision Next 100 жобасы бойынша, «болашақ автомобильдері» деген атауға ие болған төрт көліктің бірі. Фирма өкілдері мұндай автомобильдер тек 2040 жылдан кейін ғана шығарылатынын мәлімдеді. Көліктің іші көздің жауын алар­лықтай етіп сәнделген. Мамандар бұл жұмысқа негізінен эбен ағашын пайдаланыпты. Ал орындықтары жібектен дайындалған. Аяқ қоятын орындарына арнайы жүннен то­қылған кілемше төселген. Мәлі­меттер бойынша, концепт-кар жұмыстарымен белгілі дизайнер Джайлс Тэйлор жетекшілік ете­тін компанияның бірқатар қыз­меткерлері айналысқан. –  Ол кезде Rolls-Royce компания­сының басшылары лауазымды адамдар болады деп сенемін. Бәлкім, мем­лекет басшылары, әлемдік лидер­лер, кәсіпкерлер, жұлдыздар болуы мүм­кін, – деді Джайлс Тэйлор. Айта кетейік, әйгілі компания­ның шығаратын көліктері бүгінде дәу­летті адамдардың арасында үл­кен сұранысқа ие. Осыған сәйкес, бағасы да қымбат. Мәселен, осыдан екі-үш жыл бұрын Wraith үлгісінде шыққан автомобильдің бастапқы құны 245 мың еуроны құрады. Ал кейбір мәліметтерде компанияның бір көлігін 20 миллион долларға сатып алғандар да болғаны айтылады. Аян ӘБДУӘЛИ, «Егемен Қазақстан»