«Еуро-2016». Испания Түркияға үш гол соқты (видео)

Еуропа чемпионатының D тобында өнер көрсететін Испания мен Түркия құрамалары Ницца қаласында кездесті. Бұл ойында испандар қарсыластарын 3:0 есебімен жеңді. Дель Боске жаттықтыратын Испания құрамасы бұл ойында қарсыластарынан айтарлықтай басым болды. «Қызыл фурия» ойыншылары жүйелі ойын көрсетіп, голмен аяқтап жатса, түріктер испандардың қорғанысынан өте алмады. Алғашқы таймда есеп басын бірінші болып Альваро Морато ашты. Матчтың 34-минутында басымен бағыттаған добы қақпаның торынан табылды. Ал араға үш минут салып, шабуыл шебінде өнер көрсететін Нолито қарсыластарының қателігін тиімді пайдаланып, есепті еселей түсті. Испания құрамасы мұнымен де тоқтамады, 48-минутта Жорди Альбаның пасынан кейін бос қақпаға соққы жасаған Альваро Морато үшінші допты соқты. Бұл кездесуде өзінің ерекше ойынымен көзге түскен «Барселона» командасының жартылай қорғаушысы Андрес Иньеста кезекті рет матчтың үздік ойыншысы атанды. Испания – Түркия 3:0 Стадион: «Альянс-Ривьера» Төрешілер: Ристич Милован, Джурджевич Далибор (бәрі –Сербия), Кульбаков Алексей (Беларусь) Испания: Давид Де Хеа, Жорди Альба (Сесар Аспиликуэта 81), Жерар Пике, Серхио Рамос, Хуанфран, Серхио Бускетс, Франсеск Фабрегас (Коке 71), Андрес Иньеста, Давид Сильва (Бруно Сориано), Альваро Морато, Нолито Түркия: Волкан Бабаджан, Гекхан Генюл, Мехмет Топал, Хакан Балта, Эркин Джанер, Сельчук Инан (Юнус Малли 70), Огузхан Озьякуп (Олджай Шахан 62), Озан Туфан, Арда Туран, Бурак Йылмаз, Хакан Чалханоглу (Нури Шахин 46) Ескерту алғандар: Серхио Рамос 1 – Бурак Йылмаз 9, Озан Туфан 41 Аян Әбдуәли Фото, видео: vk.com.