Жолдасбеков оқулары

Тараз мемлекеттік педагогикалық институтында «Мырзатай Жолдасбеков оқулары» өтті. Ел тәуелсіздігінің 25 жылдығына орай ұйымдастырылған іс-шараға оқу орнының профессор-оқытушылары мен студенттері белсене қатысты. Іс-шараның мақсаты – ұлт­тың зияткерлік және рухани әлеуетін көтеруге жастарды тарту, студенттердің кітап оқуына жан-жақты қолдау көрсету. «Қазақ мәдениетінің қара на­ры» тақырыбында Мырзатай Жол­дас­бековтің өмірі мен шығар­машылығына арналған студенттер арасындағы эссе байқауы өтіп, онда ТарМПИ студенті Нұргүл Пулатова  үздік деп танылды. Ал Құ­ралай Әбдіназарова мен Назерке Әже­това екінші және үшінші орынға ие болды. Филология факультетінің ұйым­дастыруымен өткен шараның екінші күнінде «Мәңгілік Ел идеясы: ұлт тұлғалары» тақырыбында қазақ филологиясы кафедрасының профессорлары Тұрсынай Әбдіқа­дырова мен Рүстем Садықбеков студенттерге дәріс оқыды. Мыр­затай Жолдасбеков атындағы халықаралық байланыстар және академиялық ұтқырлық орталы­ғында өткен дәрісте лекторлар профессор жөніндегі естеліктерімен бөлісіп, оның шығармашылығының «Мәңгілік Ел» идеясымен астасып жататынын тілге тиек етті. Жандарбек АСАН, ТарМПИ Ақпараттық-имидждік бөлімінің жетекшісі