[caption id="attachment_48787" align="aligncenter" width="576"]
ras.kz[/caption]
Алтай өлкесіндегі Барнаул қаласының тұрғыны Дмитрий Мамеев ақшасы жоқтықтан Владивосток қаласына жаяу бара жатыр. ras.kz хабарына қарағанда, ол Приморье өлкесіне жұмыс іздеп бара жатқан көрінеді. Сол үшін Иркутскіде пойызға отырып, Амур облысына дейін жеткен. Бірақ сол жерде ақшасы таусылыпты. Сонда да бетінен қайтпаған 24 жасар жігіт ары қарай Байкал арқылы Приморье өлкесіне дейін жаяу баруға шешім қабылдаған.
«Амурская правда» газетінің журналистері анықтағандай, жас жігіт бұдан бұрын Приморье өлкесінде әскери-теңіз флотында қызмет еткен екен. Енді ол сол жақтан коммерциялық кемеден немесе контракт бойынша теңізшілік қызметін тауып алмақшы.
«Үйде менің проблемам көп болды, жұмыс жоқ, сондықтан Владивостокқа бармақшы болып шештім. Ақшам Иркутскіге дейін ғана жетті, енді қалған жолды жаяу жүріп өтемін. Жолда өте сирек аялдаймын. Мұндағы табиғат қызық – маса талап қоятын емес! Тіпті күндіз, күн шығып тұрғанда да», – деп жазады Дмитрий.
Амур журналистері барнаулдық жігіттен жолай кездескен жергілікті тұрғындардың көмектес-көмектеспегендерін сұрапты. Дмитрий бұған «қайырымды адамдар бар, көп емес: Белгород ауданында бір қыз тамақ жинап берді, киіммен жабдықтады», деп жауап берген. Айтқандай, бұл бойжеткен Дмитрий Мамеевтің жаяу сапар шегіп келе жатқанын әлеуметтік желіден біліпті.
Ол туралы Бурятия тұрғындары былай деп жазған: «Біз қолдан келгенінше көмектестік. Мәселе мынада, жолда ешкім тоқтамайды, дальнебойщиктер алмайды. Сондықтан жолдағылардан оны ала кетуді немесе тойындырып жіберуді өтінеміз. Оның аты – Дима. Ол тым қарапайым. Бәріңізге де рахмет, трассада жүргендер – көмектесіңіздер!»
Саяхатшы алда әлі Еврей облысы, Хабаров және Приморье өлкелері территорияларымен 1000 шақырым жерді жүріп өтуі керек.
Талғат РАЙЫМБЕК.
ras.kz[/caption]
Алтай өлкесіндегі Барнаул қаласының тұрғыны Дмитрий Мамеев ақшасы жоқтықтан Владивосток қаласына жаяу бара жатыр. ras.kz хабарына қарағанда, ол Приморье өлкесіне жұмыс іздеп бара жатқан көрінеді. Сол үшін Иркутскіде пойызға отырып, Амур облысына дейін жеткен. Бірақ сол жерде ақшасы таусылыпты. Сонда да бетінен қайтпаған 24 жасар жігіт ары қарай Байкал арқылы Приморье өлкесіне дейін жаяу баруға шешім қабылдаған.
«Амурская правда» газетінің журналистері анықтағандай, жас жігіт бұдан бұрын Приморье өлкесінде әскери-теңіз флотында қызмет еткен екен. Енді ол сол жақтан коммерциялық кемеден немесе контракт бойынша теңізшілік қызметін тауып алмақшы.
«Үйде менің проблемам көп болды, жұмыс жоқ, сондықтан Владивостокқа бармақшы болып шештім. Ақшам Иркутскіге дейін ғана жетті, енді қалған жолды жаяу жүріп өтемін. Жолда өте сирек аялдаймын. Мұндағы табиғат қызық – маса талап қоятын емес! Тіпті күндіз, күн шығып тұрғанда да», – деп жазады Дмитрий.
Амур журналистері барнаулдық жігіттен жолай кездескен жергілікті тұрғындардың көмектес-көмектеспегендерін сұрапты. Дмитрий бұған «қайырымды адамдар бар, көп емес: Белгород ауданында бір қыз тамақ жинап берді, киіммен жабдықтады», деп жауап берген. Айтқандай, бұл бойжеткен Дмитрий Мамеевтің жаяу сапар шегіп келе жатқанын әлеуметтік желіден біліпті.
Ол туралы Бурятия тұрғындары былай деп жазған: «Біз қолдан келгенінше көмектестік. Мәселе мынада, жолда ешкім тоқтамайды, дальнебойщиктер алмайды. Сондықтан жолдағылардан оны ала кетуді немесе тойындырып жіберуді өтінеміз. Оның аты – Дима. Ол тым қарапайым. Бәріңізге де рахмет, трассада жүргендер – көмектесіңіздер!»
Саяхатшы алда әлі Еврей облысы, Хабаров және Приморье өлкелері территорияларымен 1000 шақырым жерді жүріп өтуі керек.
Талғат РАЙЫМБЕК.
