Қадір түнінде – тегін автобус

Оңтүстікті – Қалағаң, Қал­тай ағамыз «ұлысымыздың ұйыт­қысы» деген. Расында, Қазақстан деген алып мемлекетімізді Оңтүс­тік Қазақстан облысынсыз көзге елестету мүмкін емес. Киіз туыл­дырықты қазақты өз алдына жеке, мықты мемлекет етемін деп ат үстінен түспеген қасқалар мен жайсаңдар Түркістан төрінде мәң­гі дамылдап жатыр. Ұлыстың ұйытқысына ар­налған өңірде сауапты тірліктер көп. Соның бірін жолаушыларды тасымалдайтын қоғамдық көліктердің ұжымы қолға алды. Жекеменшік «Green bus» серік­тестігі облыс имамдарымен келісіп, ораза айында жолаушыларды тегін тасымалдап келеді. Қадір түнінде де солай болды. «Оңтүстікавтотранс» қау­ым­дастығының президенті Дархан Қайыпов: «Бәріміз де бір Алланың үмбетіміз. Қайырымды істер адамдарды әртүрлі қауіп-қатерлерден сақтайды» делі­неді хадисте. Біздің жігіттер жақсылықты есеппен емес, бір Алланың нығметі үшін жасап жатыр. Бүгінгідей қымбатшылық заманда адамдардың көңіл-күйін көтергенге, дүниеде жақсы адамдар көп, олардың бір-біріне бауыр екендігін ұқтырғанға не жетсін. Жеке­леген қоғамдық көлік бас­шыларының қайырымдылық іс-шарасына басқалар да үн қосып жатқандығы қуантады» – дейді. Бақтияр ТАЙЖАН, «Егемен Қазақстан» Оңтүстік Қазақстан облысы