Жуалы ауданына жаңа әкім келді

[caption id="attachment_50078" align="aligncenter" width="700"] Фото: akimatmerke.kz[/caption] Жамбыл облысы әкімінің өкімімен Бахтияр Көпбосынов Жуалы ауданының әкімі болып тағайындалды. Бахтияр Көпбосынов 1964 жылы туған, ұлты қазақ, білімі жоғары, 1987 жылы Жамбыл гидромелиоративтік құрылыс институтын «инженер-гидротехник» және 2005 жылы «Әулие-Ата» университетін «қаржы бакалавры» мамандықтары бойынша бітірген. Еңбек жолын 1981 жылы Жамбыл ет комбинатында сараптаушы болып бастаған. 1987 – 1991 жылдары Жамбыл гидромелиоративтік құрылыс институтында кафедра ассистенті, мұғалімі, комсомол комитетінің хатшысы, 1991 – 2006 жылдары бизнес құрылымдарда басшы, 2006-2008 жылдары «АСАР» Республикалық  партиясының Жамбыл облыстық филиалының партия хатшысы,  «Нұр Отан» Халықтық Демократиялық партиясының Жамбыл облыстық филиалы төрағасының орынбасары, 2008-2010 жылдары «КазТрансГаз Аймақ» АҚ Жамбыл өндірістік филиалы директорының орынбасары, 2010-2013 жылдары Жамбыл облысы әкімдігінің жер қатынастары басқармасы басшысының орынбасары, басшысы. 2013-2016 жылдары аралығында Меркі ауданы әкімінің қызметін атқарған. Оралхан ДӘУІТ Жамбыл облысы