Талайды дертінен айықтырған диспансер

Көне замандардан бері адамзатты алаңдатып, талайлардың өмірін жалмап келе жатқан құрт ауруымен (туберкулез) күрес елі­міз бойынша жүйелі түрде жүр­­гізіліп келеді. Нақтылай айт­қан­да, Үкіметтің 2007 жылдың 21 желтоқсанында қабылдаған «Қа­зақстан Республикасындағы ха­лықты туберкулезден қорғау шаралары туралы» қаулысына, туберкулезге қарсы шараларды жүзеге асыруды үйлестiру жөнiндегi ве­домствоаралық жұмыс жоспарына және аталған мәселеге қатысты барлық нормативтiк актiлерге сәйкес нақты шаралар қолға алынуда. Әсіресе, еліміздің шалғай жатқан аудандарында туберкулезге қарсы күресті күшейту ісі уақыт талабына сай жолға қойылып отыр. Мәселен, Оңтүстік Қазақстан облысы Бәйдібек ауданаралық туберкулезге қарсы диспансерінде жү­зеге асырылып келе жатқан игі іс­тер сөзімізге дәлел бола алатындай. Бұл мекеме алғаш рет сонау 1960 жылы Бәйдібек ауданына қарасты Мыңбұлақ ауылында ашылған болатын. Содан бері ха­лыққа үздіксіз қызмет көр­сету үстіндегі диспансер заман ағы­мына сай дамып келеді. 1964 жылы ауласы қоршалып, 1 мың­нан астам қара тал, 500 да­на жеміс ағашы отырғызылып, ір­гелі мекемеге айналған емдеу ме­кемесі құрылымдық жағынан да же­тілдірілуде. Мәселен, 1965 жылы мұнда клиникалық зертхана және балалар бөлімі ашылса, ал 1970 жылы бактериологиялық зертхана құрылған еді. Әр жылдарда диспансерді бас­қарған, бас дәрігерлік қызмет ат­қарған бірқатар азаматтардың есімі бүгінде жергілікті халық­тың жадында сақтаулы. Атап айтқанда, Кен­жетай Мамеков, Арап Дауыл­баев, Мамаюсуп Мама­дияров және Әуес­хан Шатырбаев сынды бас дәрі­герлердің еңбегі ел есінде. Бүгінде Бәйдібек ауданаралық туберкулезге қарсы диспансерді білікті, тәжірибелі маман Талғат Ақбаев басқарып келеді. 1999 жылдан бері осы ме­кеменің тіз­гінін ұстап келе жат­қан Т.Ақ­баев – өзінің ұй­ым­дас­ты­ру­шылық қа­бі­летін көр­сете білген азамат. Диспансер қызме­­тінің сапалы болуы дә­рі­гер-ма­ман­дарға тікелей байланысты еке­ні белгілі. Осы орайда ұжымда бел­сенді қызмет етіп жүрген Нина Құл­­тасова, Гүлнар Ақбаева, Саера Ха­диметова, Мақсат Жолаев, Ме­руерт Ағыбаева сынды дәрі­гер­лерді ерекше атап өткеніміз орынды. Соңғы жылдарда диспансерде көптеген жағымды жаңалықтар болды. Енді осыған қысқаша тоқ­тала кетейік. Диспансерге арналып 2010 жы­­лы ескі ғимарат орнына жа­ңа жай салынып, ол 2012 жылы то­лық пайдалануға берілді. Сон­дай-ақ, 2 бөлім стационар, емхана, бак­териологиялық, кли­ни­калық зертханалар, рентген ка­би­неті, дезинфекциялық камера, физио­терапевтік кабинет, дәріхана, асхана, кір жуу бөлімі заман талабына сай жаб­дықталды. Жалпы, бұл жауап­кершілігі мол салада ауру­дың алдын алу, ем­деу-сауықтыру ша­раларының жаңа әдіс-тәсілдерін иге­руде қол жеткізілген та­быс­тар баршылық. Соңғы жыл­­дары туберкулезге шал­дығу көрсеткіші тө­мендеп, тұ­рақталып ке­леді. Нақтылай айт­қанда, 1999 жылы туберкулез дертіне алғаш шалдыққан аурулар саны ауданда 80-85 адам болса, 2015 жылы бұл көрсеткіш 30 адамға кеміген. Ал сол 1999 жылы туберкулездің ас­қынған түрімен 12 адам тіркелсе, қазір ауданда соңғы 4-5 жыл көлемінде мұн­дай науқастар мүлдем тіркелмеген. Туберкулезден қайтыс болғандар саны да ең төменгі деңгейде. Мұның бар­лығы диспансердің заман талабына сай жабдықталып, науқастарға қызмет көрсету сапа­сының едәуір жақсарғанын көр­сетеді. Жолдыбай БАЗАР, «Егемен Қазақстан» Оңтүстік Қазақстан облысы, Бәйдібек ауданы Суретте: Бәйдібек ауданаралық туберкулезге қарсы диспансерінің бас дәрігері Талғат АҚБАЕВ