Көрші елмен ынтымақтастық арта түспек

Қазақстан Республикасы Премьер-Министрінің бірінші орынбасары Бақытжан Сағынтаев Бейжіңде ҚКП ОК Саяси бюросы Тұрақты комитетінің мүшесі, ҚХР Мемлекеттік кеңесінің вице-премьері Чжан Гаолимен кездесу өткізді, деп хабарлады Премьер-Министрдің баспасөз қызметі. Аталған кездесу Қазақстан Президенті Нұрсұлтан Назар­баев­тың қыркүйектің басындағы Қытайға сапары және Ханчжоу қаласындағы G20 саммитіне қатысу қарсаңында өткізіліп отыр. Бақытжан Сағынтаев пен Чжан Гаоли Қазақстан Президенті Нұр­сұлтан Назарбаев жариялаған «Нұр­лы Жол» жаңа экономикалық саясаты және ҚХР Төрағасы Си Цзинь­пин­нің «Бір белдеу, бір жол» баста­масы шеңберіндегі жобаларды жү­зеге асыру жолдарын талқылады. Ол елдер алдында өзара тиімді әріп­тес­тіктің жаңа перспективаларын ашатын болады. 2020 жылға дейін екіжақты тау­ар айналымын 40 млрд. АҚШ дол­ларына дейін жеткізу жөнінде екі ел көшбасшылары алға қойған мін­­детті жүзеге асыру мақсатында Қазақ­­стан Республикасы Премьер-Ми­нистрінің бірінші орынбаса­ры сауда кедергілерін жою ж­өнін­­­дегі ережелерді қарастыра отырып, Сауда-экономикалық ық­пал­­дастықты әртараптандыру бо­йын­­ша іс-қимылдардың бірлескен бағ­­дар­ламасын әзірлеуді ұсынды. Келіссөздер барысында сон­дай-ақ, ин­новациялық ынтымақ­тастық, кең ауқымды көлік, энер­гетика сал­а­­сындағы, ауыл шаруа­шы­лығын­дағы жобалар шеңберіндегі өзара іс-қимылдар мәселесі де талқы­лан­ды. ҚХР-ға сапары шеңберінде Пре­мьер-Министрдің бірінші орынбасары Сиань қаласында болып, Шэньси провинциясы парткомының хатшысы Лоу Циньцзянмен келіссөздер жүргізуді, Қытай бизнесі өкілдерімен кездесуді, жоғары технологиялар, аэроғарыштық талдамалар, биофармацевтика, АӨК салаларындағы технологиялық орталықтармен танысуды жоспарлап отыр.