Келісім кепілі

болып табылатын Ассамблеяның әралуан этностардың мүддесін біртұтас ұлттық мақсатқа біріктірушілік ұстанымы жергілікті жерлерде жемісті жалғасып келеді Елбасы «Қазақстан халқы Ассам­блеясының «Тәуелсіздік. Келісім. Болашағы Біртұтас Ұлт» атауымен өткен ХХІV сессиясында: «Қазақстан халқы Ассамблея­сы – Тәуелсіздік жемісі. Ассамблея кез келген сын-қатер төнген кезде және Тәуелсіздіктің барлық кезе­ңінде әрдайым биіктен табылды. Оның тарихында біздің ұлттық өрлеу дәуірінің кезеңдері мен нақты нәтижелері көрініс тапқан», деп атап көрсеткен болатын. Иә, еліміз егемендік алғаннан бері басты игілігіміз – достыққа қылаудай кір­шік жұқпастан өз жарасымын тауып келеді. Осы уақыт аралығында ұлтаралық, конфессияаралық тең құқықтылық қамтамасыз етіліп, қазақстандықтардың біртектілігі мен бірлік ауқымы ортақ арнаға тоғыс­тырылды. Облыстық Қазақстан халқы Ассам­блеясының ХХІ сессия­сын ашқан өңір басшысы Ерік Сұл­танов өз сөзін Президент алға қой­ған міндеттерден бастап, аза­маттардың теңдігі мен этносаралық қатынастар тұрақтылығы мәселесіне қатысты ұсақ-түйек болмайды деген пайы­мын алға тарта отырып жалғастырды. Мемлекет басшысы Қазақстан халқы Ассамблеясының жаңа функциялық бағыттарына орай жергілікті құрылымдар мен этномәдени бірлестіктер алдына тың талаптар қойды. Меценаттар қо­ғамдастығының қызметін, даулы мәселелерді сотқа дейінгі тәртіппен шешетін медиаторлар желісін дамыту, мемлекеттік рәміздерді қазақ­стандық патриотизм атрибуттары ретінде азаматтардың қолдануы аясын кеңейту, отбасылық қарым-қатынастарды, моральдық-этикалық және рухани құндылықтарды ны­ғайту, тағы басқа мәселелер бойын­ша қоғамның барлық әлеуметтік қырларында үйлестірушілік, бас­тамашылық рөл жүктелді. «Сессияда «Мәңгілік Ел» Пат­риоттық актісінің қабылдануы ұр­пақтар арасындағы сабақтастықты одан әрі баянды етуге ұмтылдырады. Бұл орайда алдымызда Мәңгілік Ел ұғымының темірқазығы іспеттес жеті тұғырын өскелең ұрпақ бойына сіңіру секілді кең ауқымды жұ­мыстар тұр», деп атап көрсетті Ерік Хамзаұлы. Облыстық Қазақстан халқы Ассамблеясының хатшылық мең­­герушісі Наиль Салимов «Қайы­рымдылық қызмет туралы» жаңа заң шеңберінде меценаттық қозға­лыстардың жанданғанын, оның бір мысалы ретінде «Үлкен ел – үлкен отбасы» жобасына 200 мың адам қатысып, 284 іс-шара өткізілгенін жеткізді. «100 нақты қадам» Ұлт Жос­пары аясында «Мейірімділік керуені» акциясы өз жалғасын тауып келеді. Тұрмысы төмен, көпбалалы отбасыларға, аз қамтылған жандарға, зейнеткерлерге қайтарымсыз көмек­тер берілетінін айтты. Ресейдің Омбы облысынан арнайы келген Алтынай Жүнісова өзінің сөзінде жүзден астам этнос өкілдерін бір шаңырақ астында тату-тәтті өмір сүруге құлшындырып отырған Елбасының саясатына тәнті екенін жеткізді. №17 ұлттық жаңғырту мек­те­бінде сабақ беретін Петимет Авха­дованың ізгі бірлікке, ырысты ынтымаққа үндеген сөздері жалынды шықты. «Світанок» украин мәдени бірлестігінің төрағасы Александр Плотко мен «Дослук» татар-башқұрт» ұйымының мүшесі Сайдаш Ғайсинге Қазақстан хал­қы Ассамблеясының қоғамдық «Бірлік» алтын медалі тапсырылып, ел бірлігін, мәдениетаралық үнқатысуды нығайтудағы, қа­зақ­стандық патриотизмді қалып­тас­тырудағы үлестері орынды баға­ланды. М.Жұмабаев ауданын­дағы «Видергебурт» неміс мәдени ұйымының мүшесі Александр Гамершмидт облыс әкімінің ал­ғыс хатымен марапатталды. Өзге белсенділер де сый-сияпатсыз қал­мады. Сессия соңы түрлі этнос өкіл­дерінің ән кешіне жалғасты. Өмір ЕСҚАЛИ, «Егемен Қазақстан»  Солтүстік Қазақстан облысы