Парижде әйгілі компанияның 130 жылдығы атап өтілді

[caption id="attachment_51237" align="aligncenter" width="700"] Фото: reuters.com[/caption] Немістің әйгілі Mercedes-Benz  компаниясының құрылғанына 130 жыл толды. Осыған байланысты Францияның астанасы – Парижде автоконцерн басшылығы бір күндік көрме өткізді. reuters.com ақпарына сәйкес, іс-шара барысында жаңа көліктердің үлгілері, ең алғашқы шыққан автомобильдер, лимузиндер, спортқа арналған түрлі машиналар келушілердің назарына ұсынылды. Көрмеге қатысқандар алдағы уақытта шығуы мүмкін көліктердің құрылымымен де таныс болды. 1886 жылы Германияда Мерседес-Бенц брендінің негізі қаланған. Карл Бенц пен Готлиб Даймлер алғаш рет «моторлы күймені» жасап шығарған. Алайда, оның алғашқы дизайны сол уақыттан 13 жыл бұрын шығарылған деген мәліметтер де бар. news-avtoblog.ru сайтының хабарлауынша, 1890 жылы Готлиб Даймлер DMG (Daimler Motoren Gesellschaft) компаниясын құрған екен. Ол үш бағыт бойынша, яғни аспанда, жерде және теңізде пайдалануы тиіс қуатты қозғалтқыштарды дайындаған. Қазіргі компанияның үш тарапқа қараған эмблемасы осының арқасында жасалған екен. Аян ӘБДУӘЛИ