Еуро-2016-ның үздік голын венгер футболшысы соқты (видео)

Францияда өткен футболдан Еуропа чемпиотындағы ең үздік голды «Ференцварош» командасы мен Венгрия құрамасының жартылай қорғаушысы Золтан Гера өз есебіне жазды. «Sputnik Беларусь» агенттігінің мәліметінше, ол мұны Венгрия – Португалия матчының 19-минутында қатты соққымен қақпаға алыстан ұрып түсірген. Нәтижесінде 3:3 болып аяқталған кездесуде венгерлерден қалған екі голды Балаж Джуджак 47 және 55-минуттарда салды. Ал португалдардан Криштиану Роналду дубль жасаса (50, 62), тағы бір голды Нани соқты (42). https://youtu.be/SjWObjk6iUc Топтан бірінші орынмен 1/8 финалға шыққан Венгрия Бельгиядан 0:4 есебімен ұтылып қалды. Португалдар болса, жарыс жолын жалғастырып, ақырында құрлық чемпионы атанды. Жанкүйерлер жартылай финалдың үздік голы ретінде Роналдудың валлиліктер қақпасына салған голын атады. Матч 2:0 есебімен аяқталды. Ширек финалда Уэльс құрамасының ойыншысы Хэл Робсон-Канудың Бельгиямен ойында (3:1) соққан голы үздік аталды. Сол сияқты 1/8 финалда Джердан Шакиридің голы барынша көп дауыс жинады. Дамир ҚОЖАМҚҰЛ