25-ші катер

Ел Тәуелсіздігінің 25 жыл­дығы қарсаңында Орал қаласындағы «Зенит» зауытында жасалған жаңа катер суға түсірілді. Аталған рәсімге Қорғаныс министрлігі Әскери-теңіз күш­тері бас қолбасшысының орынбасары, бірінші рангалы капитан Серік Борамбаев, Қарулы күштер ардагерлері, жергілікті сала басшылары және зауыттың жұмысшы-қызметкерлері қатысты. Жаңа катердің ұзындығы – 13 метр, ені – 3,5 метр, су ығыстырғыштығы – 12 тонна. Бұл кеме Жайық өзені арқылы Каспий теңізіне қарай бағыт алып отыр. «Зениттің» жаңа өнімі теңіз­дегі экономикалық қыз­мет нысандары үшін өте тиім­ді болмақ. Бұл порт аймағындағы нысандарды бақылау мен қадағалау үшін де өте ыңғайлы. Су асты ди­­версиялық қауіптерден қор­ғауды қамтамасыз ете ала­тын құралдармен жаб­дықталған. Ол өзінің сериясындағы ал­ғашқы модель. Бұған дейін зауытта құрастырылған өз­ге кемелермен салыстыра қарағанда, тайыз жерлермен жүзу мүмкіндігі жоғары. Су астын зерттеу құралдары қазіргі талаптарға толық сәй­кес келеді. Сонымен қатар, жаңа кеме лаңкестікке қарсы барлау жұмыстарын жүргізе алады. Экипажы төрт адамнан тұрады. Кеме заманауи байланыс және навигация құрал­дарымен жабдықталған. Каспийге жеткізілгеннен кейін катер қажетті қабылдау сынақтарынан өтпек. Айымгүл ТӨЛЕУҒАЛИ, журналист ОРАЛ