Франциядағы терактіден 4 қазақстандық қаза тапты

Францияның Ницца қаласында болған террорлық шабуыл кезінде Қазақстанның 4 азаматы қаза тапты. Бұл туралы бүгін Сыртқы істер министрлігі хабарлады. «Қазақстан азаматтары: Панченко Любовь (1956), Панченко Марина (1983), Панченко Сильвия (2013) және Отто Наталья (1959) Ниццадағы теракт кезінде қаза тапты. Туған-туыстарына және жақындарына көңіл айтамыз. Сыртқы істер министрлігі туыстарына барлық жағдайды жасайтын болады», – делінген твиттер арқылы таратқан хабарламасында. Осыған дейін Ниццада орын алған лаңкестіктен соң, оқиға орнында болған қазақстандық бір отбасының із-түзсіз жоғалып кеткенін хабарлаған болатынбыз. Айта кетейік, 14 шілде күні кешке таман Бастилияны басып алу күніне байланысты отшашуды көруге жиналған халықты жүк көлігін мінген қаскөй екі шақырым бойына қағып жүрген. Көп ұзамай жүргізушінің көзі жойылып, ДАИШ лаңкестік ұйымының содыры екені анықталды. Аян ӘБДУӘЛИ