Дайындық мәселелері қаралды

Қазақстан Премьер-Министрі Кәрім Мәсімов 12 тамызда Сочиде өтетін ЕАЭО елдері үкімет басшыларының отырысына дайындық мәселелері бойынша кеңес өткізді. Сочидегі кеңес туралы шешім 2016 жылғы мамырда сауда, кедендік ынтымақтастық, экономика және қаржы саясаты, энер­­гетика және инфрақұрылым сала­­ларындағы өзара іс-қимыл мәсе­ле­лері жөніндегі Еуразиялық үкімет­аралық кеңес отырысында қабыл­данған болатын. Кеңейтілген құрамда өткен ма­мыр­дағы кеңесте сөйлеген сөзін­­де Үкі­мет­аралық кеңес төр­ағасы – Қазақ­стан Республи­касы­ның Премьер-Ми­нистрі К.Мәсімов төр­аға­лықтың басым­дықтары ретін­де Қазақстан 2016 жыл­ды ЕАЭО-тың үшінші елдермен және бас­ты интеграциялық бірлестіктермен эко­­номикалық қарым-қатынастарын терең­дету жылы деп жариялау­ды ұсынға­нын еске салды. Осыған бай­­ла­ныс­ты тарап­тар Үндістан, Из­раиль, Мысыр, Иран және бас­қа да ел­дермен еркін сауда ай­ма­­ғын құру­дың мақсаттылығын зерттеуде. «Экономикалық дамыған және ин­вестициялық тартымды ел­­дер­мен және бірлестіктермен ын­ты­­ма­қастыққа баса назар ау­дару қажет. Қазақстан тарапы инте­гра­ция­лық үдерістерді біздің ел­дер үшін Шығыс пен Батыс ара­сын­дағы бай­ла­ныс­тырушы буын­ға, әлемдік эко­но­миканың бәсе­ке­­ле­стік құрау­шысына айналу мүмкіндігі ретінде қарастырады», – деген болатын сол кезде К. Мәсімов. ЕАЭО елдері үкімет басшы­лары­ның алдағы кеңесінде эко­­но­­микалық интеграцияның ма­ңыз­­ды мәселелері қаралып, оның ішін­­де ЕАЭО Кеден кодексін қа­был­­­д­ау­дың соңғы мерзімдері тура­лы мәселе шешілді. ЕАЭО Кеден кодексі, сондай-ақ, одақтың одан әрі дамуында маңызды мәнге ие басқа да бір­қатар құжаттарды келісу 12 тамыз­да Сочиде және 28 қазанда Минскі­де өтетін Үкіметаралық кеңес отырыс­тарында аяқталады делінуде. «Егемен-ақпарат»