Әскерилердің халықаралық ойындары

Ресейде әскерилердің халық­аралық ойындары бас­талды. Оның ашылу салтанаты Мәскеу облысының «Алабино» полигонында өтті. Оған Қазақстан тарапынан  Қор­ғаныс министрі Иманғали Тасмағамбетов қатысты. Қор­ғаныс ведом­ствосының бас­шысы еліміздің Қарулы Күш­терінің намысын қорғайтын құрама командамен жүздесіп, әскери қы­зметшілерге алдағы бай­қауда сәттілік пен жеңіс тіледі. Биылғы жарысқа Азия, Еуропа, Африка және Оңтүстік Американың 20 мемлекетінен 120-ға жуық команда қатысуда. Қазақ­стан әскерилері 23 бай­қау­дың 21 түрінен бақ сынайды. Әскерилеріміздің құрама командасында ұшқыштар, теңізшілер, десантшылар, жүргізушілер, танкішілер мен теңіз жаяу әскерлері, инженерлер, дәрігерлер, аспазшылар, радиациялық, химиялық және биологиялық қорғау мамандары, кинологтар, сүңгуірлер, мергендер мен артиллерияшылар бар. Жарыс 13 тамызға дейін жалғасады. Биылғы ойындар Ресей мен Қазақстанның 20 әскери полигонында, ал теңіз байқаулары Балтық, Қара және Каспий теңіздерінің су айдындарында болады. Осы жарыстарға                           3 000-нан аса әскери қыз­метші қатысады. Армия халық­ара­лық ойындарының «Ар­тил­лериялық оқ ату шеберлері» мен «Мер­ген шебі» байқауы Қазақ­стан Қарулы Күштерінің «Гвардейск» полигонының аума­ғында өт­кізіледі. Бұл сындар бүгін басталады. Онда үздік мер­гендер мен артиллерия­шы­лар сынға түседі. Дастан КЕНЖАЛИН, «Егемен Қазақстан»