Қозғалыс қайта қалпына келтірілді

  Ақтөбе облысында жүк вагон­­дарының жолдан шығып кетуіне байланысты жолаушылар пойыздарының қозға­лысында біраз кідіріс болды. Оқыс оқиғадан зиян шеккен жолаушыларға өтемақы төленетін болады. Бұл туралы Ақтөбеде өткен баспасөз мәслихатында «Қазақстан темір жолы» ұлттық компаниясы Ақтөбе жүк тасымалы бөлімшесінің директоры Мағауия Оразқұлов хабарлады.   Естеріңізге сала кетейік, 31 шілдеде Астана уақытымен сағат 03:25-те Әйтеке би ауда­нының орталығынан 74 ша­қырым қашық­тықта «Әйтеке би-Никельтау» теміржол аралығында кен тиелген 22 вагон жолдан шығып кетіп, нәтижесінде теміржол төсемі бүлінген болатын. Тосын оқиға кезінде зардап шеккендер жоқ. Оқиға орнына облыс әкімінің орынбасары Жаңабай Бексары, облыстық төтенше жағдайлар департаментінің бастығы Бауыр­­жан Сыздықов барды. Тез арада теміржол тө­семін қалпына келтіру жұ­мыстары қолға алынды. Қалпына кел­тіру жұ­мыс­тарына 86 адам, «Қазақ­стан темір ­жолы» ұлттық ком­паниясына Әй­теке би және Қандыағаш стансаларына қа­расты 2 қал­пына келтіру пойызы жұ­мыл­дырылды. Сағат 17:00-де 2 вагон темір­жолға қойылды, тағы 20 вагон темір­жол бет­інен алынды. Осы уақыт аралығында «Ас­тана-Атырау» және «Ас­тана-Ақтөбе» бағытындағы пойыз­дардың 320-дан астам жолаушысы Ақ­төбеге жет­кізілді. Өзге жолау­шыларға жағ­дайдың барлығы жасалды, тамақ берілді, су жеткізілді, оқиға орнында жедел жәрдем бригадасы мен медициналық қызметкерлер кезекшілік етті. Қазіргі уақытта пойыздар қоз­ғалысы толық қалпына келтірілді. Сатыбалды СӘУІРБАЙ, «Егемен Қазақстан» Ақтөбе облысы