Оңтүстікте ақша жымқырғаны үшін қамауға алынды

[caption id="attachment_54291" align="aligncenter" width="700"] Оңтүстік Қазақстан облысының әкімдігі[/caption] Шымкент қаласының құрылыс бөлімінің басшысы Еркін Бұхарбаев ірі көлемде ақша жымқырғаны үшін қамауға алынды. Сыбайлас жемқорлық былықтары Бадам өзенінің қос қапталын әрлеу жұмыстары кезінде орын алған. Үш жыл бұрын басталған жобаға облыстық бюджеттен 2 млрд. теңге бөлінген. Осы қаржыға үш шақырымдық жағалауды бекіту мен жан-жағын әсемдеу жұмыстары атқарылуы керек еді. Былтыр өзенді абаттандырудың үшінші кезеңі үшін 6,7 млрд. теңге сұралған. Мердігер «Строй-сити» мекемесінің жұмыстарын тексеру барысында 170 млн. теңгенің орны табылмаған. Ал, Бұхарбаевтың бұдан бөлек «Шымкент-Сити» жобасына жетекшілік жасап, оған 11 млрд. теңге аударылғаны белгілі болып отыр. Бақтияр ТАЙЖАН Оңтүстік Қазақстан облысы