Талаптар таныстырылды

Кеше Сыртқы істер министр­лігінде Қазақстан Респуб­ли­касы Ор­та­­лық сайлау комиссия­сының ұйым­­дастыруымен шет мемле­кет­тердің дипломатиялық мис­сия­лары мен халықаралық ұйым­дары­ның өкілдеріне арналған брифинг болып өтті. 39 алыс жә­не таяудағы шет мемлекеттердің, Еуропалық одақ пен ЕҚЫҰ Орта­лығының өкілдері қатысқан кездесу барысында республика О­р­та­лық сайлау комиссиясы төраға­сы­ның орынбасары Владимир Фоос Қазақстан Республи­касы­ның Президентіне сайлау науқа­ны­ның ба­ры­сы туралы хабардар етіп, қойыл­ған сұрақтарға жауап берді. Ол алдымен Конституцияға жә­не сайлау заңнамасына енгізілген соңғы жаңалықтарды сөз ете келе, олардың Президенттің кезектен тыс сайлауын ұйымдастыру мен өткізу мерзімдеріне қатысты екеніне тоқталды. Осы өзгерістерге сәй­кес сайлау тағайындалған күннен бастап 2 ай ішінде өткізіледі. Нау­қанды заңмен белгіленген мерзімде өткізу үшін кандидаттар мен сайлау комиссиялары үшін барлық сайлау рәсімдері мерзімін қысқарту керек болды. Бұл ретте Орталық сайлау комиссиясы аумақтық сайлау комиссияларының Президенттікке кандиттарды қолдап, қол жинаған парақтарын тексеру мерзімін 10 күннен 5 күнге дейін және Орталық сайлау комиссиясының кандидаттарға, олардың Конституция мен «Сайлау туралы» Заңда белгіленген талаптарға сәйкестігі анық­тал­ған соң, қол қою парақ­тарын беру мерзімін 5 күннен 2 күнге дейін қысқарту туралы қау­лы қабылдады. Брифингтегі сөзін аяқтай келе Владимир Фоос Орта­лық сайлау комис­сиясы барлық сайлау процесіне қатысушылар­мен, халықара­лық ұйымдармен жә­­не шетелдік байқаушылармен ын­тымақтас­тық­та жұмыс істеуге, науқан бары­сын­дағы ағымдағы ақ­параттармен жедел ой бөлісіп отыру­ға әзір екенін білдірді. Жұлдыз БАЙДІЛДА.