Неміс рейхсфюрерінің күнделігі

Соғыс кезінен қалған ке­зек­ті құжат. Мәскеу түбін­дегі Подольск әскери архи­ві­нен СС рейхсфюрері Ген­рих Гиммлердің жазған күн­де­ліктері табылды. Тарихи құ­­­жатта 1938, 1942 және 1945 жыл­дары атқарған жұмыстары жа­­зылған. Немістің Bild басылымы күнделік ішінен бірнеше үзін­ділерді жариялады. Онда негізінен Екінші дүниежүзілік соғыс кезінде концлагерь тұт­қындарын аяусыз жаза­лағаны туралы мәліметтер бар. Жазбада Бухенвальд лаге­рінде өзіне массаж жасал­ғанын, артынша 10 поляк тұтқынына өлім жазасын бергені айтылған. Сонымен қатар, ол СС мамандарына иттерді Освенцим тұтқындарын талату арқылы үйрету керектігі туралы тапсырма бергенін жазған. 1943 жылы жазған жазба­ларының бірінде Генрих Гим­м­лер таңертеңгі уақытта Со­би­бор лагеріндегі газ камераларын арнайы тексергенін, ал қас қарайғаннан кейін офицерлермен бірге кешкі ас іш­кенін әңгімелейді. Сондай-ақ, күнделіктерінде отбасымен, дос-жарандарымен, СС бас­шы­лығымен байланысын сипаттаған. Болжам бойынша, күнде­ліктер алдағы жылы тарих­шылардың пікірімен қоса жарияланады. Айта кетейік, Генрих Гиммлер – 1929-1945 жылдары СС рейхсфюрері қызметін атқарған және гитлерлік Германиядағы ең лауазымды тұлғалардың бірі болды. 1945 жылдың 23 мамырында калий циани ампуласын тістеп, өзіне қол жұмсаған. Аян ӘБДУӘЛИ, «Егемен Қазақстан»