Құшақ жетпейтін қос қарағай

Жуырда облысымызға кеңінен танымал, сексен жастағы ардагер фототілші Владислав Холин балаша қуанып, қолыма мына суретті ұстатып еді. Мұны әріптесіміз Бурабайдан емес, Сандықтаудың қалың ормандарынан түсіріпті. Өлкетанушылардың айтуынша, бұл ағаштың жасы 400 жылға, биіктігі 40 метрге, ені 2,5 метрге жуықтайды. Мәселе мұнда да емес. Мәселе, 400 жыл бойы жұбын жазбай тұрған егіз қарағай өмір жайлы тағлымды ғақлиясында болса керек. Өмірге құштарлықтың өнегесін ағаштар көр­се­тетіндей. Бұған біздің өл­кеде мысал көп. Бура­бай­дағы Оқжетпестің шына­рындағы тасты жарып шық­қан қарағайлар қай­рат­тылықтың қуат қай­на­рындай жаныңызды сіл­кініске тү­сіреді. Ал, мың бұ­ралған би­ші қайыңдар нәзіктік пен сұлулықтың сим­волындай кеудеңізге қуа­ныш құяды. Қарап тұр­саңыз, мұндай суреттер көз алды­ңызда ғажайып түрге еніп, көңілді көкке өрлетеді де тұрады. Бақберген АМАЛБЕК, «Егемен Қазақстан» Ақмола облысы