Рио-2016: Ниджат Рагимов Олимпиада чемпионы атанды

Бүгін Рио-де-Жанейрода ауыр атлетикадан жарыстар одан әрі жалғасты. Осы сында қазақстандық спортшы Ниджат Рагимов 77 кило салмақта жұлқа көтеруде 165 килоны, серпе көтеруде 214 килоны басынан асырып, Олимпиада чемпионы атанды. Қазақстан қоржынына бірінші алтын медальді түсіріп отырған атлетіміз жұлқа көтеруде 165 кг салмақпен үшінші орын алды. Ал серпе көтеруде 214 кг салмақпен алдына жан салмады. Осылайша қоссайыста 379 ұпай жинап, әлемнің жаңа рекордын жасады әрі Олимпиада чемпионы болды. Екінші орынға оның басты қарсыласы, 2012 жылғы Лондон Олимпиадасының чемпионы,  қытайлық Люй Сяоцзюнь орналасты. Ол да қоссайыста 379 ұпай алды. Бірақ жеке салмағы қазақстандықтан ауыр болып шығуына байланысты екінші сатыға сырғып кетті. Ал үшінші орынға 361 кг салмақпен египеттік Махмуд Мохамед орналасты. Дастан КЕНЖАЛИН Фото: egemen.kz Техникалық мәліметтер XXXI жазғы Олимпиада. Рио-де-Жанейро (Бразилия), 10 тамыз Ауыр атлетика. Ерлер. 77 кг. 1. Ниджат Рагимов (Қазақстан) – 379 (165+214). 2. Лю Сяоцзюнь (Қытай) – 379 (177+202). 3. Махмуд Мохамед (Египет) – 361 (165+196).