Қызылорда қаласында «Азаматтарға арналған үкімет» мемлекеттік корпорациясы коммерциялық емес акционерлік қоғамының облыс бойынша филиалы мемлекеттік саланың қызметкерлері арасында спартакиада ұйымдастырды. Атап айтқанда жарысқа қатысушылар шағын футбол, волейбол, арқан тарту мен шахмат секілді спорт түрлерінен сайысқа түсті.
Жыл сайын дәстүрлі түрде өткізіліп отыратын спартакиадада Халыққа қызмет көрсету орталығының командасы топ жарды. Олар жалпы командалық есепте қарсыластарынан басым ұпай жинап, республикалық спартакиадаға жолдама алды.
Талғат РАЙЫМБЕК
