Ықпалдастық артып, ынтымақтастық нығайды

Кеше еліміздің Бас Прокуроры Жақып Асанов АҚШ-тың Қазақстан Республикасындағы Төтенше және өкілетті елшісі Джордж Кролмен кездесті. Әңгіме барысында Қазақ­стан­ның Бас Прокуроры заманауи кезеңдегі қадағалау органы қыз­метінің негізгі бағыттары туралы мәлімет берді. Тараптар екі ел арасындағы құ­қықтық іс-қимыл бойынша бірқатар мәселелерді талқылады. Соның ішінде, терроризм және экстремизммен күрес, ЭКСПО-2017 көрмесін өткізу бары­сында қауіп­сіздікті қамтамасыз ету және екі­жақты құқықтық базаны кеңейту саласындағы ын­тымақтастық мәселелері қам­тылды. Олар қол жеткізілген ық­пал­дастық деңгейін ризашылықпен атап өтіп, қылмыспен күрес бойын­ша екіжақты қарым-қатынасты одан әрі жандандыру қажеттілігіне на­зар аударып, өзара тиімді ын­ты­мақ­тастықты дамытуға дайын екен­дік­терін білдірді, деп хабарла­ды Бас прокуратураның баспасөз қызметі.