Депрессияның дауасы

Америкалық ғалымдар адамдардың жан-тәнімен беріліп жұмыс істеу арқылы күйзелістен арыла алатындығына көз жеткізді. Ол үшін психологтар арнайы тәжірибе жүргізген. Ғалымдар ұзақ уақыттан бері депрессияда жүрген 120 адамды іріктеп алып, олардың сүйікті жұмыстарымен шұғылдануына толық жағдай жасаған. Бірнеше аптадан кейін 120 адамның 80-і өздерін жақсы сезіне бас­таған­дарын айтса, бір айдан кейін 117 адам күйзелістен толық құтыл­ғандарын жеткізіпті. – Бар ойы мен күш-жігерін жұмысқа арнаған адамның жағымсыз дүниелерді ой­лауға мүмкіндігі болмайды. Жұмыс шын мәнісінде адам­ның ойын дұрыс арнаға ба­ғыттауға кө­мек­тесіп, депрес­сиядан арылтады, – дейді ға­лымдар. Олардың айтуынша, жұмыс адамдардың басқалармен ара­ласуға деген құлшынысын оятып, бұрынғы жағымсыз ой­лар­ды жақсы ойлармен алмас­тыруға ықпал етеді екен. Әсі­ресе, дене еңбегімен айна­лы­су­дың пайдасы зор. Тіпті, де­не еңбегімен айналысатын адамдардың жеңіл-желпі күй­зелістерге бой алдыруы да қиын көрінеді. Бұрын да айтылып жүр­ген дүниеге тәжірибе жүргі­зу арқылы толық көз жеткіз­ген ғалымдар енді жұмыс­тың көмегімен басқа да психоло­гиялық ауруларды емдеудің жолын қарастыруда. Нұрхан АСҚАР