Кәсіби даярлық көкжиегі

Қазіргі уақытқа дейін Семей­де ресми түрде 2 мың жұмыс­сыз тіркелген. Оның 1404-і уа­қыт­ша және тұрақты жұмыс­пен қамтылған. Мүмкіндігі шек­теу­лі жандар да назардан тыс қал­мапты. Жұмыспен қамту және әлеуметтік бағдарламалар бөлі­мінің мәліметінше, 6 айдың қоры­тын­дысы бойынша аумақты дамыту бағдарламасы шеңберінде қоғамдық жұмыстарға 30 адам тартылған. Жастар тәжірибесі бо­йын­ша – 9, әлеуметтік жұмыстарға 7 адам орналасқан. Біліктілік кө­теру, кәсіби дайындық пен қайта даярлықтан өткізуде де бел­сенді жұмыс жүргізілуде. «Жұ­мыспен қамтудың жол картасы-2020» бағдарламасы бойынша кәсі­би даярлыққа республикалық бюд­жеттен электр-газбен дәне­кер­леуші, қуатты желі бойынша электрмонтаждаушы мен электр­жабдықтаушы маман­дық­тарына оқытуға 5 миллион 120 мың теңге бөлінген. Нарықта сұ­ра­нысқа ие мамандықтар бойынша, азаматтарды қайта даяр­лаудан өт­кізу қарастырылып отыр. Жұмыс жақсы жүріп жатыр. Үш айлық мерзімдегі қайта даярлауға биыл 80 адам жіберуіміз керек. Өңдеуші, электр-газбен дәнекерлеуші, қуатты желі бойын­ша электрмонтаждаушы мен элек­тржабдықтаушы, темір ұс­та­сы, сантехник, тігінші ма­ман­­дық­тарына 7 миллион 914 мың теңге бөлінді, дейді Семей қалалық әкімдігі жұ­мыспен қамту мекемесіндегі кәсіп­тік оқыту бөлімінің басшысы. Биыл кәсіби мамандығы талап етілмейтін мемлекеттік меке­мелердегі қоғамдық жұмыстар 402 адамға берілген. «Аумақтарды дамы­ту бағдарламасы» және «Жұмыс­пен қамтудың жол картасы-2020» бағдарламалары мен жастар тәжірибесі бойынша 6 айға дей­інгі уақытша жұмысқа 170 адам орналасқан. Жұмыс істе­мейтін тұрғындар үшін мемле­кеттік қол­даудың тағы бір түрі әлеуметтік жұмыс орындары десек, осы бойынша 289 жұмыссыз нәпақасын тауып отыр. Әлеуметтік жұмыстар, жас­тар тәжірибесі және қоғамдық жұ­мыстар бөлімінің бастығы Мари­на Часовникованың айтуын­ша, жұмыс­сыздар, мәселен, құжат­тарға көмектесу, аумақты, бөлмені жи­настыру сияқты қандайда бір іс-шараға қатыстырылу арқы­лы еңбек етеді. Қоғамдық жұмыс­тарға қатысушыларға мемлекет есебінен 22 859 теңге еңбекақы төленеді. Егер олар қоғамдық бір­лес­тіктер мен үкіметтік емес өзге де мекемелерге жолданса, онда жұмыс беруші тарапынан тағы да қосымша жалақы төленеді. Раушан НҰҒМАНБЕКОВА СЕМЕЙ