Сүйенері де, сыйынары да...

Туристік компания­лар дүние жүзіндегі дінді берік ұстанатын ел­дердің тізімін жариялады. Ел азаматтарының дін­дарлығы жағынан бірінші орынды Шри-Ланка алыпты. Шри-Ланка халқының басым көпшілігі буддистер. Сондай-ақ, индуизм, христиа­н, ислам діндері де біршама кең таралған екен. Түрлі діни ұстанымдағы адамдар аралас өмір сүрсе де, әрбір азамат өз дінінің қағидаларын бұзбауға ерекше мән береді. Екінші орында – Африка құрлығындағы Малави елі. Халқының басым бөлігі тақыр кедей елде адамдардың діннен басқа сүйенері де, сыйынары да  жоқ. Малавилік христиандар әлемдегі ең діншіл христиандар деуге болады. Діншіл елдердің тізіміндегі үшінші орын Индонезияға тиесілі. Индонезияда халық көп, кең таралған дін де көп. – Ел үкіметі ислам, инду-    и­з­­­­­м, протестантизм, католицизм жә­­­­не буддизмді алты ресми дін ретінде қарастырады. Елдің әр­­бір азаматы осы алты діннің бірін ұстанады. Индонезияда атеистер жоққа тән, өз басым дінге сенбеймін деген адамды кездестірмедім, – дейді туристік компания өкілдері. Халқы дінді берік ұстанатын елдердің алғашқы ондығына Нигер, Иемен, Тайланд, Арме­ния, Бангладеш, Грузия, Марок­ко мемлекеттері енді. Нұрхан АСҚАР