Жауынгерлер жаттығуға жұмылды

ҰҚШҰ-ның Ұжымдық жедел ден қою күштерінің (ҰЖДК) контингенттері Ресейдің Псков облысындағы «Өзара іс-қимыл-2016» командалық-штабтық оқу-жаттығуы барысында шекара маңындағы аймақта қарулы жанжалды оқшаулау жөніндегі бірлескен оқу операциясы дайындығын бастады. Оқу-жаттығуға қа­тысу үшін Армения Рес­публикасы, Бе­ларусь Республикасы, Қа­зақстан Рес­публикасы, Қыр­ғыз Республикасы, Ресей Феде­рациясы және Тә­жікстан Рес­публикасы қарулы күштерінің контингенттері кел­ді. ҰҚШҰ ҰЖДК-ның тартылған контин­гент­терінің саны – 1 300-ден аса адам. Оқу-жаттығуға барлығы 6 000-нан ас­там әскери қызметші қатысады. Оған қоса  1000 бірлік қару-жарақ, жау­ынгерлік және арнайы техника бар. «Струги Красные» полигонынан басқа, оқу-жаттығу бағытына сәйкес іс-қимылдар Батыс әскери округінің тағы екі полигонында жалғасады. Ауқымды шара бас­талар алдында оқу-жат­тығуға қатысатын ҰҚШҰ-ның ҰЖДК қолбас­шы­лы­ғымен, ұлттық кон­тингенттердің басқару органдарымен жедел жиын өткізілді. ҰҚШҰ ҰЖДК-ның әскери контингенттері прак­тикалық іс-қимыл­дар дайындығын бастады. «Егемен-ақпарат»