Шарапаты мол шара

Қазақ мемлекеттік қыздар педагогикалық университетінің ректоры, Алматы қаласы мәсли­хатының депутаты Динар Нөке­таева сегіз жылдан бері ұйым­дастырылып келе жатқан рес­пуб­ликалық «Мектепке жол» акциясы аясында қайырымдылық шара­сын жалғап, Алмалы ауданына қарасты Ә.Шәріпов атындағы №16 мектептің 10 оқушысына қазақ­стандық «Сымбат» сән үйінің сапа­лы мектеп формалары мен барлық керек-жарағын сатып әперді. Аз қамтылған және көп балалы отбасылар, жетім, сондай-ақ, ата-анасының қамқорлығын­сыз қалған, тұрмысы төмен отбасы балаларын мектепке қажетті киім-кешек, құрал-жабдықтармен қамту, жеткіншектердің орта білім­мен толық қамтылуына жағ­дай туғызу, сабаққа баруын қам­тамасыз етуді мақсат тұтқан аталмыш шара соңғы  жылдары көп шаңыраққа айтарлықтай шапағатын тигізіп жүр. Сонымен сауабы үлкен, шарапаты мол шараға «S-master» компаниясының директоры Дәулет Аманғали да атсалысып, оқушыларға отандық  таза был­ға­ры­дан тігілген аяқ киімдерді сыйлады. Айнаш ЕСАЛИ, «Егемен Қазақстан» АЛМАТЫ