Футбол. Қазақстан құрамасы Польшамен кездеседі

4 қыркүйек күні Астанада футболдан Қазақстанның ұлттық құқрама командасы 2018 жылы Ресейде өтетін әлем чемпионатының іріктеу турнирі аясында алғашқы матчын өткізеді. Осы күні «Астана-Арена» стадионында еліміздің бас командасы Польша құрамасымен кездеседі. Матч сағат 22.00-де басталады. Кездесуге Польша командасы құрамасын жасақтады. Оған мына ойыншылар шақырылды. Қақпашылар: Артур Боруц («Борнмут», Англия), Лукаш Фабьяньски («Суонси», Англия), Войцех Щенсны («Рома», Италия). Қорғаушылар: Тьяго Ционек («Палермо», Италия), Камиль Глик («Монако», Франция), Артур Енджейчик («Краснодар», Ресей), Лукаш Пищек («Боруссия» Дортмунд, Германия), Бартош Саламон («Кальяри», Италия). Жартылай қорғаушылар: Якуб Блащиковски («Вольфсбург», Германия), Камиль Гросицки («Ренн», Франция), Бартош Капустка («Лестер», Англия), Гжегож Крыховяк («ПСЖ», Франция), Кароль Линетты («Сампдория», Италия), Петр Зелиньски («Наполи», Италия). Шабуылшылар: Роберт Левандовски («Бавария», Германия), Аркадиуш Милик («Наполи», Италия), Камиль Вильчек («Брондбю», Дания). Қазақстан құрамасы команданы әлі жасақтаған жоқ. Дастан КЕНЖАЛИН