Ауладағы апиын

Бұл есірткіге елітушілік не істетпейді дерсіз. Бұдан қыруар пайда тауып, қалтасын қалың­датып жүргендер қан­шама? Есірткі негізінен, еліміздің аума­ғына әр түрлі шым-шыты­рық, бармақ басты, көз қысты небір қитұрқы жолдармен жеткізілетіні де жасырын емес. Орал өңірінде бұ­лай­ша әуре-сарсаңға түспей-ақ, оны өз үйінің ауласында өсі­ру­ді әдет еткендер де бар болып шық­ты. Бұл жөнінде газет тіл­ші­сіне Теректі аудандық ішкі істер бөлімінің басшысы, поли­ция подполковнигі Тимур Айтуғанов айтып берді. Осы ауданға қарасты Ақ­суат ауы­лының тұрғыны К. өз бақ­шасында қарасора өсіріп­ті. Қарасора тектес өсім­дік – есірт­кінің бір түрі екені бел­гілі. Ол осы есірткілік шөп­ті кә­дім­­­гідей күтіп, баптап, қоп­­сы­­тып келіпті. Бұл ара­дан то­ғыз түп қарасора табыл­ған. «Мұрт­қа өкпелеп жүр­ген­де, сақал шық­ты» дегендей, осы аудан­дағы Табылтөбе ауылын­да­ғы 62 жас­тағы Б. деген азамат қара­сора­ның бірден 56 түбін өсіруге тәуекел етіпті. Жайық ауылында да осындай оқиғалар кездескен. Сондай-ақ, ауданда қазіргі күні он төрт килограмнан асатын кептірілген анаша тәркіленген. Есірткімен еншілес қара­сора өсіру – ауыр қылмыс­тар қатарына кіреді. Сондық­тан, осындай лас іспен шұғыл­дан­ғандарға қатаң жаза қолд­а­нылуы әбден мүмкін.  Темір ҚҰСАЙЫН, «Егемен Қазақстан» Батыс Қазақстан облысы Теректі ауданы