28 Тамыз, 2016

УЕФА Чемпиондар лигасы мен Еуропа лигасы пішімін өзгертті

632 рет
көрсетілді
1 мин
оқу үшін

27-08-16-liga

Еуропа футбол ассоциациясы федерациясы (УЕФА) Чемпиондар лигасы мен Еуропа лигасының 2018/19, 2019/20 және 2020/21 маусымдардағы пішімін өзгерту жөнінде шешім қабылдады. Бірақ жарыс жүйесі бұрынғысынша қала береді. Өзгеретін оған қатысатын командаларды іріктеуге қатысты болады. Мұны осы ұйымның баспасөз қызметі хабарлады. УЕФА Еуропа футболына мүдделі барлық жақтардың қатысуымен ақылдастық жүргізді. Осыған орай атқару комитетінің ұсынысымен бірқатар өзгерістер енгізді. Ол өзгерістер мынадай жақтарды қамтиды:
  • УЕФА Еуропа лигасының жеңімпазы Чемпиондар лигасының топтық кезеңіне бірден жолдама алады (қазір ол тек плей-офф раундынан кейін ғана келе алып жүр).
  • Рейтингілері барынша жоғары төрт ассоциацияныың әрбірінің төрт клубы Чемпиондар лигасының топтық кезеңіне бірден түседі (қазір бұл төрттікті Испания, Германия, Англия және Италия құрап отыр).
  • Мұнда ережелер жыл соңына дейін екі лига бойынша да жан-жақты жасалып шығады.
  • Жаңа жүйе клубтардың коэффициенттерін есептеуден тұрады: клубтар тікелей жеке өздерінің коэффициенттері бойынша бағаланады, яғни ассоциацияларда жиналған ортақ ұпайлар бұдан кейін олардың нәтижелеріне әсер ете алмайды (тек клубтар коэффициенттері ассоциация коэффициентінен 1/5 бөліктен кем болған жағдайда ғана).
  • Коэффициенттер есептелген кезде клубтардың бұл турнирдегі тарихи табыстары есепке алынады. Чемпиондар лигасы мен Еуропа лигасында жеңіске жеткен командалар қосымша ұпайлар алады.
  • Екі турнирде де клубтар мен лигаларға бөлінетін қаржылар айтарлықтай ұлғайтылады.
Дамир ҚОЖАМҚҰЛ