Премьер Катардың Орталық банкі төрағасымен кездесті

Премьер-Министр Катардың Орталық банкі төрағасымен банк саласындағы ынтымақтастық перспективаларын талқылады. Бұл туралы Үкімет басшысы өзінің Instagram-дағы парақшасына жазды, деп хабарлады pm.kz Кездесу Мемлекет басшысы Нұрсұлтан Назарбаевтың Катар Мемлекетіне сапары барысында қол қойылған келісімдердегі уағдаластықтарды орындау аясында өтті. Саяси, сауда-экономикалық және мәдени-гуманитарлық ынтымақтастық мәселелерімен қатар, банк және инвестициялық салалар сынды екі жақты маңызды қарым-қатынастар бойынша өзара түсіністікке қол жеткізілді. Атап айтқанда, ҚР Ұлттық банкі және КМ Орталық банкі, сондай-ақ ҚР Ұлттық банкі және Катар қаржы орталығы арасында меморандумдарға қол қойылды. Премьер-Министрдің Катардың Орталық банкі төрағасымен кездесуі барысында банк саласындағы, оның ішінде «Астана» халықаралық қаржы орталығы желісі бойынша ынтымақтастық мәселелері талқыланды. Айдар ӨРІСБАЕВ